महत्त्वाचे म्हणजे या जोडीने उपांत्य फेरीत दक्षिण कोरियाच्या किम वॉन हो आणि सियो सेउंग जे या जोडीचा पराभव करून आधीच एक मोठा उलटफेर केला होता. त्यानंतर अंतिम लढतीत सात्विक आणि चिराग यांनी इंडोनेशियाच्या फाजर अल्फियान आणि मुहम्मद रियान अर्दियांतो या जोडीचा तीन सेटपर्यंत चाललेल्या एका रोमांचक लढतीत पराभव केला. या विजयापूर्वी भारतीय जोडीला 'इंडोनेशिया ओपन' स्पर्धेत पराभवाचा सामना करावा लागला होता.

सिंगापूर इनडोअर स्टेडियमवर खेळवण्यात आलेल्या सामन्याबद्दल बोलायचे झाले तर इंडोनेशियाच्या खेळाडूंनी सुरुवातीला उत्कृष्ट फॉर्मचे प्रदर्शन केले आणि पहिला सेट 21-18 ने जिंकला. मात्र, सात्विक आणि चिराग यांनी हार मानली नाही. त्यांनी दुसऱ्या सेटमध्ये शानदार पुनरागमन केले आणि तो सेट 21-15 ने जिंकत सामन्यात बरोबरी साधली. त्यानंतर निर्णायक ठरलेल्या तिसऱ्या सेटमध्ये भारतीय जोडीने सुरुवातीपासूनच आपले वर्चस्व कायम राखले आणि 11-5 अशी आघाडी घेतली. त्यामुळे इंडोनेशियाच्या खेळाडूंनी थोडा प्रतिकार करण्याचा प्रयत्न केला, परंतु सात्विक आणि चिराग यांनी आपला चांगला खेळ केला. त्यांनी हा सेट 21-16 ने जिंकला आणि विजेतेपद आपल्या नावावर केले.

संपूर्ण स्पर्धेत उत्कृष्ट कामगिरी

सिंगापूर ओपन 2026 स्पर्धेचे विजेतेपद पटकावण्यापूर्वी सात्विक आणि चिराग यांनी संपूर्ण स्पर्धेत केवळ एकच सेट गमावला होता आणि तोही उपांत्यपूर्व फेरीत. उपांत्य फेरीत त्यांनी विद्यमान विश्वविजेते असलेल्या दक्षिण कोरियाच्या किम वॉन हो आणि सियो सेउंग जे या जोडीचा 21-19, 21-18 अशा फरकारने पराभव करून एक मोठा उलटफेर केला होता. या विजयामुळे कोरियन जोडीची सलग 34 सामन्यांची अजिंक्य मालिका खंडित झाली.

सात्विक आणि चिराग जोडीचा स्पर्धेत प्रवास कसा राहिला?

32 वी फेरी - तैपेईची जोडी ली झे-हुई आणि यांग पो-ह्सुआन यांचा 21-16 आणि 21-13 अशा फरकारने पराभव केला.
16 वी फेरी - जपानची जोडी हिरोकी मिदोरिकावा आणि क्योहेई यामाशिता यांचा 21-18 आणि 21-14 अशा फरकारने पराभव केला.
उपांत्यपूर्व फेरी - मलेशियाची जोडी कांग काई शेन आणि ॲरॉन ताई यांचा 19-21, 21-17 आणि 21-13 अशा फरकारने पराभव केला.
उपांत्य फेरी - दक्षिण कोरियाची जोडी किम वॉन-हो आणि सेओ सेउंग-जाए यांचा 21-19 आणि 21-18 अशा फरकारने पराभव केला.
अंतिम फेरी - इंडोनेशियाची जोडी फजर अल्फियान आणि मुहम्मद रियान अर्दियांतो यांचा 18-21, 21-15 आणि 21-16 अशा फरकारने पराभव केला.