उन्हाळ्यात घाम येणे आणि थकवा येणे या सामान्य समस्या आहेत. या दिवसात हृदयाच्या ठोक्यांमध्येही बदल होतो. साधारणपणे शरीरातील या बदलांना हवामानाचा बदल असे समजले जाते. पण तीव्र उष्णतेमुळे, डिहायड्रेशनमुळे ब्लड प्रेशरवर परिणाम होऊ शकतो.

परिणामी, हृदयविकाराच्या झटक्याचा धोका वाढतो. त्यामुळे कडाकाच्या उन्हातही हृदयाची काळजी घेणे तितकेच आवश्यक आहे.

धोका का वाढतो?

जेव्हा उन्हामुळे शरीरातून जास्त घाम बाहेर पडतो, तेव्हा शरीरातील पाणी आणि क्षारांचे प्रमाण कमी होते. यामुळे रक्त घट्ट होते आणि ते शरीरात प्रवाहित करण्यासाठी हृदयाला अधिक मेहनत करावी लागते. त्वचा थंड ठेवण्यासाठी रक्ताभिसरण वेगाने होते, ज्यामुळे रक्तदाब अचानक कमी-जास्त होऊ शकतो. या प्रक्रियेत हृदयावर अतिरिक्त ताण पडतो आणि हृदयविकाराचा झटका येण्याची शक्यता निर्माण होते.

साधारण लक्षणे -

• तुम्हाला श्वास घेताना अडथळा जाणवत असेल किंवा छातीत जळजळ होत असते हे धोक्याचे लक्षण असू शकते.

• एसीमध्ये बसलेले असताना तुम्हाला अचानक खूप घाम येत असेल तर हे ब्लड प्रेशर कमी झाल्याचे लक्षण आहे.
• सतत मळमळ, उलट्या होणे किंवा हृदयाचे ठोके वाढणे हे देखील धोक्याची सूचना आहे.
• तुम्हाला उन्हात असताना अचानक चक्कर येत असेल हे शरीरातील पाणी कमी झाल्याचे लक्षण असून हृदयासाठी धोक्याचे ठरू शकते.
• जास्त प्रमाणात जुलाब झाल्यास शरीरातील पाणी आणि मीठ बाहेर पडते. ज्यामुळे हृदयावर अतिरिक्त ताण येतो आणि क्लॉलिंग होण्याचा धोका निर्माण होतो.