गेल्या २४ तासांत धरणसाखळीत ०.६४ टीएमसी पाण्याची भर पडली आहे.

विशेष म्हणजे, आतापर्यंत उपयुक्त पाणीसाठा नसलेल्या टेमघर धरणातही यंदाच्या हंगामातील पाणीसाठ्याचा श्रीगणेशा झाला असून धरणात ०.०९ टीएमसी (२.३१ टक्के) पाणीसाठा नोंदविण्यात आला आहे.

रविवारी (५ जुलै) सकाळी ६ वाजेपर्यंतच्या आकडेवारीनुसार चारही धरणांमध्ये मिळून ७०४ एमसीएफटी पाण्याची आवक झाली. त्यापैकी वारसगावमध्ये ३२३ एमसीएफटी, पानशेतमध्ये २३८ एमसीएफटी, टेमघरमध्ये १०७ एमसीएफटी आणि खडकवासला धरणात ३६ एमसीएफटी पाण्याची आवक झाली.

सध्या पानशेत धरणात २.४५ टीएमसी (२२.९९%), वारसगावमध्ये २.२६ टीएमसी (१७.६६%), खडकवासला धरणात ०.३० टीएमसी (१४.९७%) आणि टेमघरमध्ये ०.०९ टीएमसी (२.३१%) पाणीसाठा आहे.

तथापि, गेल्या वर्षी याच दिवशी धरणसाखळीत १७.६७ टीएमसी (६०.६२%) पाणीसाठा होता. त्या तुलनेत यंदा अजूनही १२.५८ टीएमसीने कमी पाणीसाठा असल्याने आगामी पावसाकडे पुणेकरांचे लक्ष लागले आहे.

वारसगाव LLIO मधून ४०० क्युसेक्स विसर्ग सुरू आहे.खडकवासल्यात बंद पाइप १८१ व कोपरा-कोटी २३१ क्युसेक्स पाणीपुरवठा सुरू आहे.टेमघरमध्ये यंदाचा पहिला उपयुक्त पाणीसाठा.

 खडकवासला धरणसाखळी (५ जुलै २०२६, सकाळी ६.००)

 गेल्या २४ तासांतील बदल