• ट्रॅव्हल्सच्या जोरदार धडकेत दुचाकीवरील चौघांचा जागीच मृत्यू.
• अपघातात दुचाकीचा अक्षरशः चक्काचूर; मृतदेहांची अवस्था विदारक.
• मानवत शहरात शोककळा; पोलिसांकडून पुढील तपास सुरू.

कसा झाला अपघात?

ट्रॅव्हल्स (क्रमांक NL 01 B 1374) ही परभणीहून पुण्याकडे जात होती. मानवतच्या राहुल जिनिंगसमोर समोरून येणाऱ्या दुचाकीला (क्रमांक MH 22 BB 4724) ट्रॅव्हल्सने समोरासमोर जोर दार धडक दिली. ही धडक इतकी भीषण होती की दुचाकीवरील चारही तरुणांचा मृत्यू झाला. दुचाकी चक्काचूर झाली. अपघाताचा मोठा आवाज ऐकू आला. यामुळे स्थानिक नागरिकांनी घटनास्थळी धाव घेतली. या अपघाताची माहिती पोलिसांना देण्यात आली. अपघाताची तीव्रता इतकी मोठी होती की, मृतदेहांची अवस्था अत्यंत विदारक झाली होती. पोलिसांना मृतांची ओळख पटविणे सुरुवातीला कठीण झाले होते. त्यांची ओळख पटवण्यात पोलिसांना यश आले.

वाहतूक पूर्णपणे विस्कळीत

या अपघातामुळे काही काळ महामार्गावरील वाहतूक पूर्णपणे विस्कळीत झाली होती. पोलिसांनी स्थानिक नागरिकांच्या मदतीने मृतदेह रुग्णालयात हलवले तसेच अपघातग्रस्त वाहने बाजूला करत महामार्गावरील वाहतूक सुरळीत केली. दरम्यान, या प्रकरणी मानवत पोलीस पुढील तपास करत आहेत.

राज्याच्या सीमेजवळील भयकंर घटना! जमिनीच्या वादातून ६ जणांची गोळ्या झाडून निर्घृण हत्या; संपूर्ण परिसर हादरला

मृत्यू झालेल्यांची नावे

शुभम आप्पाराव दहे (वय 30), विष्णू गोरे (वय 28), प्रल्हाद अशोकराव कुटे (वय 29) आणि नवनाथ शामराव जाधव (वय 38, सर्व रा. मानवत) अशी अपघातात मृत्यू झालेल्या तरुणांची नावे आहेत. एकाच वेळी मानवत येथील चार तरुणांचा दुर्दैवी मृत्यू झाल्याने संपूर्ण शहरात हळहळ व्यक्त होत आहे.

राज्याच्या सीमेजवळील भयकंर घटना! जमिनीच्या वादातून ६ जणांची गोळ्या झाडून निर्घृण हत्या; संपूर्ण परिसर हादरला