- अबब, महिलेने थेट अजगाराला गळ्याला गुंडाळलं
- त्याला कुरवाळलं अन्…
- पुढं जे केलं पाहून उडेल थरकाप
नेमकं काय केलं महिलेने?
व्हायरल होत असलेल्या व्हिडिओ तुम्ही पाहू शकता की, एक महिला गढूळ पाण्याच्या नदीत आरामशीरपणे बसली आहे. आश्चर्याची बाब म्हणजे तिने तिच्या गळ्याभोवती ॲनाकोंडाला गुंडाळले आहे. एवढेच नाही तर ती त्याला प्रेमाने कुरवाळत आहे. महिलेच्या चेहऱ्यावर कोणत्याही प्रकारची भीती नसून ती त्याच्याशी खेळत आहे. आश्चर्य म्हणजे महिला प्रेमाने अजगराचे चुंबनही घेते.
मिळालेल्या माहितीनुसार, या महिलेचे नाव डॅनिएला असून ती एक वन्यजीव संवर्धक आहे. ॲमेझॉन रेस्क्यू अँड कन्झर्व्हेशन अलायन्सची ती सदस्य आहे. वन्यजीवांविषयी जनतेला जागृत करण्याचे काम डॅनिएला करते. तिने नुकतेच अनाकोंडा सोबच एक व्हिडिओ शेअर केला आहे. ॲनाकोंडा हे विषारी नसतात, परंतु अत्यंत शक्तिशाली असतात. त्याच्या मोठ्या भक्ष्याची हाडेही चिरडून टाकायची ताकद असते. एका क्षणात ते भल्या मोठ्या भक्षाला गिळून टाकू शकतात.
व्हायरल व्हिडिओ
नेटकऱ्यांची प्रतिक्रिया
व्हायरल होत असलेला व्हिडिओ सोशल मीडिया प्लॅटफॉर्म डॅनिएलने आपल्या इन्स्टाग्रामवर @dani.villar_ अकाऊंटवर शेअर केला आहे. हा व्हिडिओ पाहून अनेकांचा थरकाप उडाली आहे. अनेकांनी ताई सावध रहा, प्रेम महागात पडू शकते असे एका नेटकऱ्याने म्हटले आहे. तर दुसऱ्या एका नेटकऱ्याने एवढं धाडस येते तरी कुठून? असा प्रश्न केला आहे. तर तिसऱ्या एकाने सापाने तिला असाच विळखा घातला तर थेट स्वर्गातच जाईल ती असे म्हटले आहे. सध्या हा व्हिडिओ सोशल मीडियावर प्रचंड व्हायरल होत आहे.
टीप - हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.