चिदंबरम स्टेडियमवर चेन्नई सुपर किंग्ज विरुद्ध पंजाब किंग्ज यांच्यात सामना पार पडला. पंजाब किंग्जचा कर्णधार श्रेयस अय्यरने (CSK Vs PBKS) टॉस जिंकून प्रथम गोलंदाजी करण्याचा निर्णय घेतला. चेन्नई सुपर किंग्जने प्रथम फलंदाजी करताना 209 धावा केल्या. चेन्नईने दिलेल्या 210 धावांचा पाठलाग करताना पंजाबने पॉवर प्लेमध्ये धमाकेदार सुरुवात केली. अखेर पंजाब किंग्जने चेन्नई सुपर किंग्जला त्यांच्याच होम ग्राऊंडमध्ये 5 विकेट्सने पराभूत केले आहे.

पंजाब किंग्जची फलंदाजी

पंजाब किंग्जच्या डावाची सुरुवात प्रियांश आर्या आणि प्रभसिमरन सिंहने केली. दोघांनी पॉवर प्लेमध्ये जोरदार सुरुवात केली. प्रियांश आर्या 39 धावा करून बाद झाला. तर प्रभसिमरन सिंह 43 धावा करून रनआउट झाला. तर मागच्या सामन्यात शानदार खेळी केलेल्या कूपर कॉनली 36 धावा करून बाद झाला. त्यानंतर पंजाबचा संघ काहीसा अडचणीत सापडला होता. मात्र कर्णधार श्रेयस अय्यर आणि नेहाल वढेराने 50 धावांची भागीदारी केली. श्रेयस अय्यर 50 धावांवर आउट झाला. नेहाल वढेरा 10 रन्स करून आउट झाला.

पंजाब किंग्जची गोलंदाजी

पंजाब किंग्जने टॉस जिंकून प्रथम गोलंदाजी करण्याचा निर्णय घेतला आहे. झेवियर बार्टलेटने 1 विकेट घेतली. मार्को जान्सनने एक विकेट घेतली. त्याने कार्तिक शर्माला बाद केले. विजयकुमार वैशाखने आयुष म्हात्रेची विकेट घेतली. तर फिरकीपटू युझवेंद्र चहलने देखील ऋतुराज गायकवाडला बाद केले.

Ayush Mhatre ने 'चेन्नई' गाजवलं! तर दुबेने 200 पार पोहोचवलं; PBKS ला विजयासाठी 210 धावांची गरज

चेन्नई सुपर किंग्जची फलंदाजी

पंजाब किंग्जने चेन्नईला प्रथम फलंदाजी करण्यासाठी आमंत्रित केले होते. कर्णधार ऋतुराज गायकवाड आणि संजू सॅमसन हे सलामीची जोडी म्हणून मैदानात खेळण्यासाठी उतरले. संजू सॅमसन केवळ 7 धावा करून बाद झाला. आयुष म्हात्रेने अर्धशतकीय खेळी केली. चेन्नई सुपर किंग्जकडून कर्णधार ऋतुराज गायकवाड आणि आयुष म्हात्रेने 100 धावांची भागीदारी केली. आयुष म्हात्रेने 73 धावांची शानदार खेळी केली.