- मराठी सक्तीच्या मुद्द्यावरून वाद
- सदावर्ते यांना विरोध करणाऱ्या मनसे कार्यकर्त्यांचे राज ठाकरेंनी केलं कौैतुक
मात्र, सदावर्ते यांच्या या भूमिकेविरोधात मनसेने आक्रमक भूमिका घेतली. मनसेचे पदाधिकारी सचिन पोफळे आणि त्यांच्या सहकाऱ्यांनी सभास्थळी पोहोचत जोरदार घोषणाबाजी करत निषेध नोंदवला. या घटनेमुळे काही काळ तणावाचे वातावरण निर्माण झाले होते. मनसेच्या पाच कार्यकर्त्यांनी केलेल्या या आंदोलनाची राज्यभरात चर्चा झाली.
या निदर्शनांदरम्यान संबंधित कार्यकर्त्यांवर गुन्हेही दाखल करण्यात आले होते. या प्रकरणाची दखल घेत मनसे नेते अविनाश जाधव स्वतः नवघर पोलीस ठाण्यात उपस्थित राहून कार्यकर्त्यांना पाठिंबा दर्शवला होता.दरम्यान, या संपूर्ण घडामोडींची माहिती घेत मनसे अध्यक्ष राज ठाकरे यांनी संबंधित कार्यकर्त्यांना दादर येथील आपल्या बंगल्यावर बोलावले. यावेळी त्यांनी कार्यकर्त्यांशी संवाद साधत मराठी अस्मितेच्या मुद्द्यावर त्यांनी घेतलेल्या ठाम भूमिकेचे कौतुक केले. तसेच अमित ठाकरे यांनीही कार्यकर्त्यांचे मनोबल वाढवत अशा प्रकारच्या लढ्यांमध्ये सक्रिय राहण्याचे आवाहन केले.या घटनेमुळे मीरा-भाईंदरमध्ये मराठी भाषेच्या मुद्द्यावर राजकीय वातावरण आणखी तापण्याची चिन्हे दिसत असून, पुढील काळात या वादाला अधिक तीव्रता येण्याची शक्यता व्यक्त केली जात आहे.