बेस्ट प्रशासनाने दिलेल्या माहितीनुसार, या अतिरिक्त बसगाड्यांचे संचालन सकाळी १०.३० वाजल्यापासून दिवसभर करण्यात येईल. प्रवाशांची गर्दी अपेक्षेपेक्षा अधिक झाल्यास आवश्यकतेनुसार आणखी अतिरिक्त बसगाड्या उपलब्ध करून देण्याची तयारीही उपक्रमाने ठेवली आहे.

प्रवाशांना सुलभ आणि सुरक्षित प्रवासाची सुविधा मिळावी यासाठी काही महत्त्वाच्या बसस्थानकांवर आणि मार्गांवर बसनिरीक्षक, वाहतूक अधिकारी तसेच सुरक्षा अधिकाऱ्यांची नियुक्ती करण्यात येणार आहे. यामुळे बससेवेचे नियोजन अधिक प्रभावीपणे करता येणार असून प्रवाशांना होणारा त्रास कमी करण्यास मदत होईल.

रक्षाबंधनाच्या दिवशी मोठ्या प्रमाणात नागरिक आपल्या नातेवाईकांना भेटण्यासाठी शहर आणि उपनगरांमध्ये प्रवास करतात. त्यामुळे सार्वजनिक वाहतुकीवर अतिरिक्त ताण येण्याची शक्यता असते. ही बाब लक्षात घेऊन बेस्टने विशेष नियोजन केले असून अतिरिक्त बससेवेचा लाभ घेण्याचे आवाहन प्रवाशांना करण्यात आले आहे.

(इंग्रजी बातमी वाचण्यासाठी येथे क्लिक करा.)