How To Use AC Water: गरमी आणि उष्णतेपासून वाचण्यासाठी अनेक लोकांच्या घरात एअर कंडीशनर (AC) तासनतास सुरु असतं. जेव्हा एसी चालू राहतं, तेव्हा तुमच्या लक्षात आलं असेल की, मागे लावलेल्या पाईपमधून पाणी पडतं.

अनेक लोक या पाण्याला वेस्टेज समजून बाहेर फेकून देतात. पण तुम्ही कधी विचार केलाय? एका रात्रीत तुमचा एसी किती पाणी बाहेर फेकतं? दमट वातावरणात एक एसी एका रात्रीत अनेक लीटर पाणी बाहेर काढतो. या पाण्याला फेकणं म्हणजे वस्तु खराब करणं..जर तुम्हालाही हे पाणी बाहेर फेकायचं नसेल,तर याचा वापर तुम्ही कामांमध्ये करू शकता.

हे पाणी कुठून येतं?

एसी जेव्हा रुममधील गरम हवा सकवतो,तेव्हा त्या हवेत असलेला दमटपणा (Humidity) थंड होऊन पाण्याच्या थेंबात बदलतो. याला कंडेस्ट वॉटर (Condensed Water) म्हणतात. हे पाणी मोठ्या प्रमाणात डिस्टिल्ड वॉटर सारखं असतं. म्हणजेच याच्यात सामान्य नळाच्या पाण्याप्रमाणे मिनरल्स किंवा फ्लोराईड नसतं.

>> Pune News: पुण्यातील भीमाशंकर परिसरात घडतायत भयंकर घटना, स्थानिकांसह पर्यटकांची धडधड वाढली

या पाण्याचा वापर कुठे आणि कसा कराल?

झाडे

एसीच्या पाण्याचा सर्वात चांगला उपयोत गार्डनिंग मध्ये करू शकता. कारण यामध्ये क्लोरीन नसतं. म्हणून हे झाडाच्या वापरासाठी खूप चांगलं मानलं जातं.जर तुम्ही घरात मनी प्लांट किंवा अशी झाडे लावली आहेत,तर त्यांच्यासाठी हे पाणी बेस्ट आहे. यामध्ये मिनरल्स कमी असतात. जर तुम्ही याला मातीच्या झाडांमध्ये टाकले, तर महिन्यात एकदा खताचा वापर नक्की करा.

घराची साफसफाई

दररोज घराच्या साफसफाईसाठी आपण खूप पाणी फेकून देतो. एसीमधून बाहेर पडणारं पाणी बादलीत भरा आणि त्यामध्ये फिनेल किंवा क्लिन्झर मिसळून ते साफसफाईसाठी वापरा.