जगभरात चर्चेत राहिलेल्या जेफरी एपस्टीन (Jeffrey Epstein) प्रकरणाला आता नवे वळण मिळाले आहे. न्यू यॉर्कच्या तुरुंगात झालेल्या एपस्टीनच्या रहस्यमयी मृत्यूनंतर अनेक वर्षांनी, त्याने लिहिलेली एक चिठ्ठी अमेरिकेच्या न्यायालयाने सार्वजनिक केली आहे.
या पत्रामुळे एपस्टीनच्या आत्महत्येच्या थिअरीवर पुन्हा एकदा प्रश्नचिन्ह उपस्थित केले जात आहे.
काय लिहिले आहे पत्रात?
न्यायाधीश केनेथ करास यांच्या आदेशानुसार सार्वजनिक करण्यात आलेल्या या पत्रातील मजकूर अत्यंत आक्रमक भाषेत आहे. एपस्टीनने या पत्रात लिहिले आहे की, "त्यांनी (तपास यंत्रणांनी) अनेक महिने माझी चौकशी केली, पण त्यांना काहीही मिळाले नाही." पुढे त्याने आपल्या सद्यस्थितीवर उपरोधिकपणे भाष्य करताना लिहिले, "निरोप देण्यासाठी स्वतःच्या वेळेची निवड करणे ही एक ट्रीट असल्यासारखे आहे."
पत्राच्या शेवटी त्याने लिहिले, "तुम्हाला माझ्याकडून काय हवे आहे? मी जोरजोरात रडायला सुरुवात करावी का? यात काही मजा नाही आणि हे कशासाठीही पात्र नाही."
(- Tamil Nadu Election: थलपती विजयच्या TVK ला काँग्रेसचा पाठिंबा; मात्र ठेवली मोठी अट)
ग्राफिक नोव्हेलमध्ये लपवले होते पत्र
हे पत्र एपस्टीनच्या मृत्यूच्या काही आठवड्यांपूर्वीचे असल्याचे सांगितले जात आहे. जुलै2019 मध्ये जेव्हा त्याने पहिल्यांदा आत्महत्येचा प्रयत्न केला होता, तेव्हा त्याच्या सेलमध्ये असलेल्या एका सहकैद्याला हे पत्र एका 'ग्राफिक नोव्हेल'च्या पानांमध्ये दबलेले आढळले होते.
(- Nagraj Manjule: नागराज मंजुळेसह जिओ सिनेमाला पुणे न्यायालयाचा दणका! 'खाशाबा'चा वाद थेट कोर्टात)
मृत्यूचे गूढ कायम
ऑगस्ट 2019 मध्ये जेफरी एपस्टीनचा मृत्यू झाला होता. प्रशासनाने ही आत्महत्या असल्याचे जाहीर केले होते. मात्र, त्या रात्री तुरुंगातील सीसीटीव्ही फुटेज गायब असणे आणि सुरक्षा रक्षकांचा हलगर्जीपणा यामुळे त्याच्या मृत्यूबद्दल अनेक षडयंत्रांचे दावे केले गेले. आता हे पत्र समोर आल्यानंतर, त्याने हे दबावाखाली लिहिले होते की तो खरोखरच यंत्रणांना आव्हान देत होता, याचा तपास पुन्हा सुरू होण्याची शक्यता आहे.