रस्ता दुभंगून पाण्याचा प्रवाह सुरु झाल्याने नागरिक तसेच रस्त्यावरुन येणा- जाणारे वाहन चालकही हादरुन गेले. हा थरारक आणि अचंबित करणारा प्रकार सीसीटीव्ही कॅमेऱ्यात कैद झाला आहे.

Mumbai Rain: मुंबईकरांनो लक्ष द्या! वादळी वाऱ्यासह तुफान पाऊस, समुद्रही खवळणार; BMCचं मोठं आवाहन

रस्ता फुटून पाण्याचा फवारा, नागरिक घाबरले

समोर आलेल्या माहितीनुसार, पुण्याच्या तळेगाव दाभाडे शहरात विकासकामांचा आणि कंत्राटदाराच्या हलगर्जीपणाचा एक धक्कादायक प्रकार समोर आला आहे. शहरात दीड वर्षांपूर्वी पाणीपुरवठा योजनेअंतर्गत रस्त्याखालून नवीन पाईपलाईन टाकून रस्त्याचे डांबरीकरण करण्यात आले होते. पुढील आठवड्यात या योजनेचा शुभारंभ होणार असल्याने नगरपरिषदेकडून शनिवारी नव्या टाकीतून पाणी सोडून पाईपलाईनची चाचणी घेण्यात आली.

मात्र, चाचणी सुरू होताच अचानक डांबरी रस्त्याच्या मधोमध पाण्याचा प्रचंड फवारा उसळला, ज्यामुळे रस्ता फुटल्याचा आभास होऊन स्थानिक नागरिक काही काळ भयभीत झाले. हा संपूर्ण थरारक प्रकार सीसीटीव्ही कॅमेऱ्यात कैद झाला आहे. प्राथमिक तपासणीत कंत्राटदाराने दोन पाईप एकमेकांना जोडलेच नसल्याची गंभीर चूक समोर आली आहे.