छत्रपती संभाजीनगर येथील त्यांच्या निवासस्थानी नागरिक आणि समर्थकांची भेट घेत असताना त्यांना अचानक अस्वस्थ वाटू लागले. सुरुवातीला थकवा आणि अशक्तपणा जाणवत असतानाच त्याला उलट्यांचा त्रास सुरू झाला. त्यामुळे नियोजित भेटी रद्द करून ते तातडीने घरी परतले. त्याच्या प्रकृतीबाबत माहिती मिळताच कुटुंबीयांनी डॉक्टरांना घरी बोलावून उपचार सुरू केले.

तपासणीदरम्यान डॉक्टरांनी त्याचा रक्तदाब १००/६० इतका खाली आल्याचे निदर्शनास आणले. त्याचबरोबर सकाळपासून सतत मळमळ, उलट्या आणि जुलाबाचा त्रास होत असल्याचेही स्पष्ट झाले. शरीरात पाण्याची कमतरता जाणवत असल्याने त्यांना सलाईनद्वारे द्रवपदार्थ देण्यात आले. सध्या त्यांना ताप नसला तरी प्रकृती पूर्णपणे स्थिर होईपर्यंत घराबाहेर न पडण्याचा आणि संपूर्ण विश्रांती घेण्याचा सल्ला डॉक्टरांनी दिला आहे.

जादुमणी सिंहचे सुवर्ण हुकले; रौप्यपदकावर समाधान

सोमनच्या सुवर्ण फेकीला शुभमच्या रौप्याची साथ

दिपकेवर उपचार करणाऱ्या डॉ. विशाल लहाने यांनी सांगितले की, सध्या प्राथमिक उपचार सुरू असून औषधोपचारांना प्रतिसाद कसा मिळतो यावर पुढील उपचारपद्धती ठरणार आहे. प्रकृतीत अपेक्षित सुधारणा न झाल्यास रक्त तपासणीसह इतर आवश्यक वैद्यकीय चाचण्या करण्यात येतील. कोणताही शारीरिक किंवा मानसिक ताण घेऊ नये, असेही त्यांनी स्पष्ट केले.

विशेष म्हणजे, काही दिवसांपूर्वीच अभिजीत दिपके यानी स्वतःला टायफॉइड झाल्याची माहिती सार्वजनिकपणे दिली होती. दरम्यान, त्याच्या प्रकृतीची माहिती समोर आल्यानंतर समर्थक आणि कार्यकर्त्यांनी त्याच्या लवकर बरे होण्यासाठी शुभेच्छा व्यक्त केल्या आहेत. डॉक्टरांच्या सल्ल्यानुसार काही दिवस पूर्ण विश्रांती घेतल्यानंतरच तो सार्वजनिक कार्यक्रम किंवा भेटीगाठी पुन्हा सुरू करतील, अशी माहिती त्याच्या निकटवर्तीयांकडून देण्यात आली आहे.