त्याचा परिणाम म्हणून अॅपलच्या शेअरमध्ये जवळपास १० टक्क्यांची घसरण झाली असून कंपनीच्या बाजारमूल्यात तब्बल ५०० अब्ज डॉलर, म्हणजेच सुमारे ₹४३ लाख कोटींची घट होण्याची शक्यता व्यक्त केली जात आहे.

ॲपलने चालू तिमाहीत महसूल वाढ ९ ते ११ टक्क्यांच्या दरम्यान राहील, असा अंदाज वर्तवला आहे. मात्र बाजारातील विश्लेषकांना सुमारे १२ टक्के वाढीची अपेक्षा होती. कंपनीचा हा सावध अंदाज गुंतवणूकदारांच्या अपेक्षांवर पाणी फेरणारा ठरला. त्यातच कृत्रिम बुद्धिमत्ता (AI) डेटा सेंटरसाठी वाढलेल्या मागणीमुळे मेमरी चिप्स आणि इतर महत्त्वाच्या इलेक्ट्रॉनिक घटकांचा तुटवडा निर्माण झाल्याने आयफोन आणि मॅकच्या उत्पादनावर दबाव वाढत असल्याचे कंपनीने स्पष्ट केले आहे.

पेट्रोल ₹१२५ प्रति लिटरपर्यंत गेले असते?

दरम्यान, ॲपलच्या सर्वाधिक नफा देणाऱ्या सर्व्हिसेस व्यवसायातील वाढही अपेक्षेपेक्षा मंदावल्याने बाजारातील चिंता अधिकच वाढली आहे. या घडामोडींमुळे अॅपलचे जगातील सर्वात मौल्यवान कंपनीचे स्थान धोक्यात आले असून, बाजारमूल्याच्या शर्यतीत एनव्हिडिया पुन्हा अव्वल स्थानावर पोहोचण्याची शक्यता वर्तवली जात आहे. गुंतवणूकदारांसाठी हा इशारा मानला जात असून, जागतिक तंत्रज्ञान क्षेत्रातील स्पर्धा आता आणखी तीव्र होणार असल्याचे संकेत मिळत आहेत.