बलुचिस्तान प्रांतात दोन वेगवेगळ्या हल्ल्यांमध्ये जीवितहानी
पाकिस्तानातील बलुचिस्तान प्रांतात दोन वेगवेगळ्या हल्ल्यांमध्ये तीन सुरक्षाकर्म्यांचा मृत्यू झाला असून चार जखमी झाले आहेत, अशी माहिती अधिकाऱ्यांनी दिली.
स्थानिक माध्यमांनी मंगळवारी ही माहिती दिली. एक हल्ला क्वेटा येथे पेट्रोलिंग पथकावर, तर दुसरा झाल मगसी जिल्ह्यातील पोलीस ठाण्यावर झाला.
पोलीस अधिकाऱ्यांच्या माहितीनुसार, सोमवारी संध्याकाळी क्वेटाच्या ईस्टर्न बायपास भागात मोटरसायकल पेट्रोलिंग करत असताना 'ईगल स्क्वॉड'मधील दोन पोलिसांवर हल्ला झाला, ज्यात तीन जण जखमी झाले. प्रत्यक्षदर्शींनुसार, अज्ञात हल्लेखोरांनी ऑटोमॅटिक शस्त्रांचा वापर करून गोळीबार केला. पाकिस्तानमधील प्रमुख वृत्तपत्र 'डॉन'च्या अहवालानुसार, पोलिसांनी हल्लेखोरांचा शोध घेण्यासाठी शोधमोहीम सुरू केली आहे.
झाल मगसी जिल्ह्यातील गंडावाह भागात कोटरा पोलीस ठाण्यावर सशस्त्र हल्लेखोरांनी हल्ला केला. हल्लेखोरांचा पाठलाग करताना सुरू करण्यात आलेल्या शोधमोहीमेदरम्यान एका सुरक्षाकर्म्याचा मृत्यू झाला, तर तीन जण जखमी झाले. गंडावाह येथील कोटरा पोलीस ठाण्याचे एसएसपी रहमतुल्लाह यांनी सांगितले की, हल्लेखोरांनी रॉकेट आणि इतर जड शस्त्रांचा वापर केला. जिल्हा प्रशासनातील एका वरिष्ठ अधिकाऱ्यांनी सांगितले की, संभाव्य हल्ल्याची माहिती आधीच मिळाल्यामुळे पोलीस हाय अलर्टवर होते.
दरम्यान, पाकिस्तानमध्ये विशेषतः खैबर पख्तूनख्वा आणि बलुचिस्तान या सीमावर्ती प्रांतांमध्ये कायदा अंमलबजावणी करणाऱ्या दलांवर हल्ल्यांच्या घटनांमध्ये वाढ होत असल्याच्या पार्श्वभूमीवर ही घटना घडली आहे. पोलीसांच्या माहितीनुसार, १८ मार्च रोजी खैबर पख्तूनख्वा प्रांतातील अपर दीर जिल्ह्यातील गंदीगर परिसरात एलीट फोर्सच्या एका सहाय्यक उपनिरीक्षकावर अज्ञात बंदूकधाऱ्यांनी गोळीबार केला होता. बाचा युसुफ खान यांना त्यांच्या घराबाहेर लक्ष्य करण्यात आले. त्यांना तातडीने रुग्णालयात नेण्यात आले, मात्र उपचारादरम्यान त्यांचा मृत्यू झाला. 'डॉन'च्या वृत्तानुसार, ते नमाज अदा करण्यासाठी मशिदीकडे जात असताना हा हल्ला करण्यात आला.
कॅनडामध्ये खलिस्तानी प्रतीकांवर लगाम; सार्वजनिक प्रदर्शन दंडनीय
इराणच्या शस्त्रसाठ्यावर अमेरिकेकडून 'बंकर बस्टर' बॉम्बने हल्ला
बिहारच्या नालंदा जिल्ह्यातील शीतला मंदिरात चेंगराचेंगरी; आठ महिला ठार
२५ दिवस 'डिजिटल अटकेत' ठेवून निवृत्त अधिकाऱ्याचे १.५७ कोटी लुबाडले
तसेच, 'जिओ न्यूज'च्या अहवालानुसार, १३ मार्च रोजी खैबर पख्तूनख्वा प्रांतातील लक्की मरवत जिल्ह्यात बेट्टानी जमातीच्या भागात पोलिसांच्या वाहनाजवळ झालेल्या स्फोटात सात पोलिसांचा मृत्यू झाला होता. स्थानिक पोलिस प्रवक्त्यांनी सांगितले की, सुरुवातीला सहा पोलिसांचा मृत्यू झाला आणि एक जखमी झाला होता. मात्र, उपचारादरम्यान त्या जखमी पोलिसाचाही मृत्यू झाला.