बलुचिस्तानमधील ऑनलाइन वृत्तवाहिनी 'द बलुचिस्तान पोस्ट' नुसार, बीएलएचा प्रवक्ता जियांद बलुच यांनी सांगितले की, २२ ऑगस्ट रोजी खदकोचा परिसरात हा हल्ला करण्यात आला. बीएलएच्या दाव्यानुसार, संघटनेच्या दहशतवाद्यांनी प्रथम एका बख्तरबंद लष्करी वाहनाला आयईडीच्या माध्यमातून लक्ष्य केले. त्यानंतर दुसऱ्या बख्तरबंद वाहनासह ताफ्यातील इतर वाहनांवर घात लावून हल्ला करण्यात आला.

बीएलएने या कारवाईत आपल्या स्पेशल टॅक्टिकल ऑपरेशन्स स्क्वाडचे सदस्य सहभागी असल्याचा दावा केला आहे. स्थानिक सूत्रांच्या माहितीनुसार, सुरुवातीच्या स्फोटात एक बख्तरबंद वाहन नष्ट झाले, तर दुसरे वाहन नुकसानग्रस्त झाले. त्यानंतर सशस्त्र हल्लेखोरांनी लष्करी ताफ्यावर गोळीबार केला आणि आणखी एका लष्करी वाहनाचे नुकसान केले.

हल्ल्यानंतर बलुचिस्तानच्या गृह विभागाने खदकोचा आणि आसपासच्या परिसरात २३ ऑगस्ट रोजी सकाळी ७ वाजल्यापासून अनिश्चित काळासाठी कर्फ्यू लागू केला. दरम्यान, रविवारी बीएलएने तुरबतच्या हिराबाद परिसरात आणखी एका हल्ल्याचा दावा केला. या हल्ल्यात तीन पाकिस्तानी सैनिक ठार आणि तीन जखमी झाल्याचे संघटनेने म्हटले आहे.

मात्र, अधिकाऱ्यांनी दिलेल्या माहितीनुसार, हिराबाद येथे फ्रंटियर कॉर्प्सच्या रोड-सर्च पथकावर हल्ला झाला असून त्यात तीन जवान जखमी झाले. अधिकाऱ्यांच्या म्हणण्यानुसार, तीन मोटारसायकलींवरून आलेल्या सहा सशस्त्र हल्लेखोरांनी पथकावर ग्रेनेड फेकले आणि गोळीबार केला. सुरक्षा दलांनी केलेल्या प्रत्युत्तराच्या कारवाईनंतर हल्लेखोर घटनास्थळावरून फरार झाले.

इम्रान खान यांच्यासाठी २१ माजी कर्णधार एकवटले

माझगावमध्ये गणपती आगमनावेळी अंडी फेकल्याने वाद

सोने १.६३ लाखांच्या पार, चांदीला नफा वसुलीचा मार

जागतिक बाजाराचा सकारात्मक डोस; आयटीच्या जोरावर शेअर बाजारात तेजी

बीएलएने नोशकी, कलात, खारन, वाशुक, झेहरी आणि चगाई यांसह बलुचिस्तानमधील विविध भागांत आणखी आठ कारवाया केल्याचाही दावा केला आहे. या कारवायांबाबतची सविस्तर माहिती आगामी साप्ताहिक निवेदनातून जाहीर केली जाईल, असे संघटनेने म्हटले आहे.