मृतांमध्ये एका महिलेचा आणि एका तरुणाचा समावेश आहे. या घटनांमुळे देशातील अल्पसंख्याक समुदायांच्या सुरक्षेबाबत पुन्हा एकदा चिंता व्यक्त केली जात आहे.

स्थानिक माध्यमांच्या वृत्तानुसार, नुकत्याच घडलेल्या घटनांपैकी एका घटनेत नौगाव जिल्ह्यातील महादेबपूर उपजिल्ह्यात सोमवारी रात्री ४५ वर्षीय हिंदू सुवर्णकार अलीफ चंद्र दत्ता यांची हत्या करण्यात आली. दुकानातून घरी परतत असताना अज्ञात हल्लेखोरांनी धारदार शस्त्राने त्यांच्यावर हल्ला केल्याचे सांगण्यात येत आहे. बांगलादेशी वृत्तपत्र 'डेली सन'ने पोलीस आणि स्थानिक नागरिकांच्या हवाल्याने दिलेल्या वृत्तानुसार, अलीफ दत्ता रात्री साडेआठच्या सुमारास महादेबपूर बाजारातील त्यांच्या दागिन्यांच्या दुकानातून घरी जाण्यासाठी निघाले होते. रात्री सुमारे ९ वाजता दुलालपाडा येथील घराजवळ पोहोचले असता काही हल्लेखोरांनी त्यांना अडवले आणि धारदार शस्त्राने हल्ला केला.

हल्लेखोरांनी त्यांच्याकडील सुमारे ६० ग्रॅम सोने आणि ७ लाख बांगलादेशी रुपये लुटून घटनास्थळावरून पळ काढल्याचे वृत्त आहे. त्यानंतर कुटुंबीय आणि स्थानिक नागरिकांनी जखमी अवस्थेतील दत्ता यांना राजशाही मेडिकल कॉलेज रुग्णालयात दाखल केले. मात्र, उपचारादरम्यान त्यांचा मृत्यू झाला. महादेबपूर पोलीस ठाण्याचे प्रभारी अधिकारी उमर फारुक यांनी घटनेला दुजोरा दिला. 'हा केवळ लुटमारीचा प्रकार होता की त्यामागे अन्य कोणते वैर किंवा हेतू होता, हे अद्याप स्पष्ट झालेले नाही,' असे त्यांनी सांगितले. या प्रकरणी कायदेशीर कारवाई सुरू असल्याचेही त्यांनी स्पष्ट केले.

अमेरिकेची मानवरहित पाणबुडी इराणच्या ताब्यात?

'दीपस्तंभ'ने दिली साथ; दिव्यांगत्वावर केली मात

नोकरी सोडा, अन्यथा मृत्यूला सामोरे जा!

गारद्याचे बंड घडवेल महाराष्ट्राच्या राजकारणात भूकंप

दरम्यान, दुसऱ्या घटनेत ४५ वर्षीय हिंदू महिला राणी सुशील यांची त्यांच्या घरातच चाकूने वार करून हत्या करण्यात आली. सोमवारी संध्याकाळी साडेसातच्या सुमारास होआनोक युनियन परिसरात ही घटना घडली. पोलीस आणि स्थानिक नागरिकांच्या माहितीनुसार, राणी सुशील घरात स्वयंपाक करत असताना चोरीच्या उद्देशाने एक अज्ञात व्यक्ती घरात घुसण्याचा प्रयत्न करत होती. त्याला पाहून राणी यांनी आरडाओरड केली. त्यानंतर हल्लेखोराने कथितरित्या त्यांचे तोंड दाबून चाकूने अनेक वार केले आणि घटनास्थळावरून फरार झाला.