दहा वर्षांपूर्वी भारत जागतिक बॉक्सिंगमध्ये ४४व्या क्रमांकावर होता आणि आता अव्वल स्थानी पोहोचला आहे, असे त्यांनी सांगितले.

भारताने एशियन गेम्स २०२६ मध्ये तीन सुवर्ण आणि तीन कांस्य अशी एकूण सहा पदके जिंकली. एशियन गेम्समधील बॉक्सिंगच्या इतिहासातील भारताची ही आतापर्यंतची सर्वात यशस्वी कामगिरी ठरली आहे. यापूर्वी २०१० मध्ये ग्वांगझू येथे भारताने बॉक्सिंगमध्ये दोन सुवर्णपदके जिंकली होती.

या स्पर्धेत लवलीना बोरगोहेननेही ऐतिहासिक कामगिरी केली. तिने हांगझोऊ येथे २०२३ मध्ये जिंकलेले रौप्यपदक यावेळी सुवर्णपदकात रूपांतरित केले. यासह एशियन गेम्समध्ये सुवर्णपदक जिंकणारी ती मेरी कोमनंतरची दुसरी भारतीय महिला बॉक्सर ठरली. मेरी कोमने २०१४च्या एशियन गेम्समध्ये ही कामगिरी केली होती.

अजय सिंह यांनी आयएएनएसशी बोलताना सांगितले, 'ही अत्यंत अभिमानाची बाब आहे. बॉक्सिंगमध्ये आघाडीचे देश मानले जाणारे उझबेकिस्तान, कझाकिस्तान आणि चीन यांच्यापेक्षा भारत एशियन गेम्समध्ये पुढे राहिला. संघाची कामगिरी शानदार राहिली. ही खरोखरच अभिमानाची बाब आहे.'

शेतात राबणार रोबोट्स, ड्रोन

पाक गुप्तहेराला लष्करी माहिती देणारा नौदलाचा जवान गजाआड

शिवाजी पार्कमध्ये दिल्या फक्त शिव्या |

ग्लासगो येथे झालेल्या कॉमनवेल्थ गेम्स २०२६ मध्येही भारतीय बॉक्सरची कामगिरी दमदार राहिली होती. भारताने या स्पर्धेतील बॉक्सिंग मोहिमेचा शेवट एकूण १० पदकांसह केला होता. यामध्ये विक्रमी सात सुवर्णपदकांचा समावेश होता. कॉमनवेल्थ गेम्सच्या एकाच आवृत्तीत बॉक्सिंगमध्ये यापेक्षा अधिक सुवर्णपदके कोणत्याही देशाने जिंकलेली नाहीत.

भारतीय बॉक्सिंग संघ राजधानीत परतल्यानंतर अजय सिंह यांनी सांगितले, 'केवळ एशियन गेम्समध्येच नव्हे, तर भारत कॉमनवेल्थ गेम्समध्येही पहिल्या क्रमांकावर राहिला. त्यापूर्वी आम्ही आशियाई अजिंक्यपद स्पर्धेत दुसऱ्या आणि जागतिक अजिंक्यपद स्पर्धेत तिसऱ्या क्रमांकावर होतो.'

बीएफआयच्या निवड निकषांनुसार, एशियन गेम्समध्ये पदक जिंकणाऱ्या बॉक्सरना २०२७च्या जागतिक बॉक्सिंग अजिंक्यपद स्पर्धेसाठी त्यांच्या संबंधित वजनगटात थेट मुख्य प्रवेश देण्यात येणार आहे. कझाकिस्तानमध्ये होणारी ही जागतिक अजिंक्यपद स्पर्धा लॉस एंजेलिस ऑलिम्पिक २०२८ साठी बॉक्सिंगमधील पहिली पात्रता स्पर्धा असेल.

लॉस एंजेलिस ऑलिम्पिक २०२८ साठी भारताच्या तयारीबाबत बोलताना बीएफआय प्रमुखांनी सांगितले की, संपूर्ण संघ भारतीय बॉक्सरच्या कमकुवत बाबींवर काम करणार आहे, जेणेकरून त्यांना २०२८च्या ऑलिम्पिकमध्ये पदक जिंकण्यासाठी पूर्णपणे तयार करता येईल.