ही नवी व्यवस्था सध्या अमेरिकेत लागू केली जाणार असून येत्या काही आठवड्यांत टप्प्याटप्प्याने इतरत्र लागू केली जाईल. कंपनीच्या मते, या जाहिराती फक्त लॉग-इन केलेल्या प्रौढ वापरकर्त्यांनाच दाखवल्या जातील. तर ChatGPT चे पेड प्लॅन्स- Plus, Pro, Business, Enterprise आणि Education हे पूर्णपणे जाहिरातमुक्त राहतील.

या उपक्रमाअंतर्गत ओपनएआयने एका डिजिटल जाहिरात कंपनीसोबत भागीदारी केली आहे. या सहकार्यामुळे जाहिरातदारांना अधिक अचूक टार्गेटिंग आणि जाहिराती खरेदी करण्याची सुविधा मिळणार आहे. अहवालानुसार, Criteo ही कंपनी जाहिरातदारांना ५०,००० डॉलर्स ते १,००,००० डॉलर्स गुंतवणुकीचे प्रस्ताव देत आहे. कंपनीने जाहिरातदारांसाठी एक विशेष पेज देखील सुरू केले आहे, ज्यामध्ये ओपनएआयला असा प्लॅटफॉर्म म्हणून सादर करण्यात आले आहे, जिथे वापरकर्ते सक्रियपणे माहिती शोधतात आणि निर्णय घेतात. ओपनएआयच्या मते, संवादादरम्यान जाहिराती दाखवणे हे 'कमर्शियल डिस्कव्हरी'चे नवे माध्यम ठरू शकते. या मॉडेलनुसार जाहिरातदारांना विविध प्रकारचे टेक्स्ट आणि व्हिज्युअल्सचे अनेक पर्याय देण्याचा सल्ला देण्यात आला आहे, ज्यामुळे अधिक चांगली कामगिरी आणि व्यापक पोहोच सुनिश्चित करता येईल.

नाल, चाबुआ हवाई तळाची माहिती पाकिस्तानला देणाऱ्या हवाई दलाच्या कर्मचाऱ्याला अटक

एअर कॅनडाचे विमान लँडिंगवेळी अग्निशमन दलाच्या वाहनाला धडकले

पाकिस्तान सुपर लीगला युद्धाचा फटका; स्पर्धा फक्त दोन शहरांपुरती मर्यादित

… म्हणून इराणने क्षेपणास्त्रांवर लावला स्पॅनिश पंतप्रधानांचा फोटो

माहितीनुसार, ओपनएआयवर वाढत्या संगणकीय खर्चाचा आणि एआय क्षेत्रातील तीव्र स्पर्धेचा दबाव आहे. त्यामुळे कंपनी आता उत्पन्नाचे विविध स्रोत विकसित करण्यावर भर देत आहे. यामध्ये सब्सक्रिप्शन, API सेवा, कॉमर्स आणि कंप्यूट इन्फ्रास्ट्रक्चर यांसोबत जाहिरातींचाही समावेश करण्यात येत आहे. सध्या ही योजना अमेरिकेपुरती मर्यादित असली तरी भविष्यात ती इतर बाजारपेठांमध्ये आणि अधिक वापरकर्त्यांपर्यंत विस्तारली जाऊ शकते, असे संकेत मिळत आहेत.