या खेळीसह पडिक्कलच्या नावावर विशेष कामगिरीची नोंद झाली आहे.

देवदत्त पडिक्कल हा भारताकडून तिसऱ्या क्रमांकावर फलंदाजी करताना श्रीलंकेविरुद्धच्या कसोटीत १५० किंवा त्याहून अधिक धावांची खेळी करणारा तिसरा फलंदाज ठरला आहे. पडिक्कलपूर्वी केवळ राहुल द्रविड आणि चेतेश्वर पुजारा यांनी ही कामगिरी केली होती. द्रविडने २००९ मध्ये श्रीलंकेविरुद्ध खेळल्या गेलेल्या कसोटी सामन्यात १७७ धावांची दमदार खेळी केली होती. तर पुजाराने २०१७ मध्ये १५३ धावा केल्या होत्या.

कसोटीच्या दुसऱ्या दिवशीही पडिक्कलने आपली शानदार फलंदाजी कायम ठेवली आणि २१५ चेंडूंमध्ये १५० धावा पूर्ण केल्या. पडिक्कलने २३० चेंडूंचा सामना करत १६७ धावांची शानदार खेळी केली. आपल्या या खेळीदरम्यान त्याने १५ चौकार आणि एक षटकार लगावला.

पडिक्कलने ऋषभ पंतसोबत ११३ चेंडूंमध्ये ७१ धावांची भागीदारी केली. त्यानंतर कसोटीच्या पहिल्या दिवशी दुखापतीमुळे निवृत्त होऊन ड्रेसिंग रूममध्ये परतलेल्या केएल राहुलसोबत त्याने संघाचा डाव पुढे नेला.

संविधानाची प्रत घेऊन फिरणाऱ्यांची त्यावर श्रद्धा मात्र नाही

पेपरफुटी तर ३०-४० वर्षांपासून, पण उपाययोजना आजच्या पंतप्रधानांनी केली!

सोनिया गांधींनी केलेल्या पापाला जनता माफ करणार नाही!

बोरिवलीत प्रयोगशाळेत केली जात होती गांजाची लागवड

पंतला चांगल्या सुरुवातीचा फायदा उठवता आला नाही. तो ६२ चेंडूंमध्ये ३९ धावा करून बाद झाला. खराब फटका खेळल्यामुळे पंतला पॅव्हेलियनमध्ये परतावे लागले.

केएल राहुलला आपले शतक पूर्ण करता आले नाही. तो १७५ चेंडूंमध्ये ८२ धावा करून बाद झाला. कसोटीच्या पहिल्या दिवशी कर्णधार शुभमन गिलने १६ धावा केल्या, तर यशस्वी जायस्वाल ३२ धावा करून चांगल्या सुरुवातीचा फायदा उठवण्यात अपयशी ठरला.

कसोटीच्या दुसऱ्या दिवसाचे पहिले सत्र पावसामुळे वाया गेले. सततच्या पावसामुळे दुसरे सत्रही उशिरा सुरू झाले. त्यानंतर खेळपट्टीमध्ये असलेल्या ओलाव्याचा श्रीलंकेच्या गोलंदाजांनी पुरेपूर फायदा उठवला.