यामुळे तणाव निर्माण झाला आहे. माहितीनुसार, चंद्रशेखर महाराज यांचा मृत्यू ट्रकच्या धडकेत झाला आहे. ही घटना सकाळी सुमारे ४ वाजता कोसी पोलीस ठाण्याच्या हद्दीत घडली. घटनेनंतर त्यांच्या समर्थकांची मोठी गर्दी रस्त्यावर जमली आणि दिल्ली-आग्रा महामार्ग अडवण्यात आला. या दरम्यान काही ठिकाणी दगडफेक झाली तसेच वाहनांच्या काचा फोडण्यात आल्या, त्यामुळे परिसरात तणावाचे वातावरण निर्माण झाले.

घटनेची गंभीरता लक्षात घेऊन राज्याचे मुख्यमंत्री योगी आदित्यनाथ यांनी तत्काळ दखल घेत अधिकाऱ्यांना कठोर कारवाईचे निर्देश दिले. जमावाला पांगवण्यासाठी पोलिसांना अश्रुधूर सोडावा लागला, तर अनेक पोलीस वाहनांचेही नुकसान झाल्याची माहिती आहे.

माहितीनुसार, 'फरसा वाले बाबा' यांना एका ट्रकमधून गोवंश तस्करी होत असल्याची माहिती मिळाली होती. त्यांनी महामार्गावर त्या वाहनाला अडवण्याचा प्रयत्न केला. याच वेळी नवीपूर परिसरात दुसऱ्या एका ट्रकने त्यांना धडक दिली, ज्यामुळे त्यांचा घटनास्थळीच मृत्यू झाला. त्यांच्या मृत्यूनंतर समर्थकांनी हा अपघात नसून नियोजित हत्या असल्याचा आरोप केला आणि आरोपींना तात्काळ अटक करण्याची मागणी केली. छाता परिसरात हजारो लोकांनी महामार्ग जाम केला, ज्यामुळे अनेक किलोमीटरपर्यंत वाहतूक ठप्प झाली.

फ्लिपकार्टला मोठा धक्का! IPOपूर्वी ग्रुप CFO श्रीराम वेंकटरामन यांचा राजीनामा

धुरंधर २ मुळे अभिनेता प्रकाश राज अस्वस्थ, रामचरण, अल्लू अर्जुनवर टीका

सोने-चांदीच्या दरात मोठी घसरण

पंतप्रधान मोदींचा आक्षेपार्ह एआय फोटो पोस्ट केल्याप्रकरणी बिहारमधून एकाला अटक

दरम्यान, उत्तर प्रदेश पोलिसांनी या प्रकरणाबाबत वेगळे स्पष्टीकरण दिले आहे. पोलिसांच्या म्हणण्यानुसार, 'घनदाट धुक्यामुळे रस्त्यावर येणाऱ्या दुसऱ्या ट्रकने त्यांना धडक दिली, ज्यामुळे त्यांचा जागीच मृत्यू झाला. त्यांनी थांबवलेल्या ट्रकमध्ये केवळ किराणा सामान होते. धडक देणाऱ्या ट्रकलाही नुकसान झाले असून चालक जखमी झाला आहे. तो आणि त्याचा सहायक अलवरचे रहिवासी असून त्यांच्यावर उपचार सुरू आहेत.'

पोलिसांच्या माहितीनुसार, या प्रकरणात गोतस्करीशी संबंधित कोणतीही पुष्टी झालेली नाही. तसेच महामार्गावर आंदोलन करणाऱ्या लोकांना हटवण्यात आले असून परिस्थिती नियंत्रणात आली आहे. प्रशासनाने पुढील कायदेशीर कारवाई सुरू असल्याचे सांगितले आहे.