यामध्ये दोन पुरुष, दोन महिला आणि एका अल्पवयीन मुलाचा समावेश आहे. प्राथमिक चौकशीत आरोपींनी वैध पासपोर्ट आणि व्हिसाशिवाय भारतात प्रवेश केल्याची कबुली दिल्याचे सांगण्यात येत आहे. आता सीमा पार करून भारतात येण्यापासून ते हैदराबादपर्यंत पोहोचवण्यामागे दलाल किंवा संघटित नेटवर्कचा सहभाग आहे का, याचा तपास पोलीस करत आहेत.

डाउन विवेक एक्स्प्रेस एनजेपी रेल्वे स्थानकातील सहाव्या क्रमांकाच्या फलाटावर दाखल होताच एनजेपी जीआरपी आणि सिलीगुडी जीआरपीच्या विशेष ऑपरेशन ग्रुपने (एसओजी) संयुक्त कारवाई केली. गुप्त माहितीच्या आधारे रेल्वेच्या सामान्य डब्यात तपासणी करण्यात आली. यावेळी संशयावरून पाच जणांना ताब्यात घेऊन चौकशी करण्यात आली. तपासादरम्यान ते बांगलादेशी नागरिक असल्याचे आणि भारतात प्रवेशासाठी त्यांच्याकडे वैध कागदपत्रे नसल्याचे समोर आले.

'रामायण'ची ऍडव्हान्स बुकिंगमध्ये ४.८८ कोटींची कमाई

ज्ञानेश कुमारांविरोधातील आंदोलनाची हवा सोशल मीडियावर मंदावली?

ज्ञानेशकुमार प्रकरणावर बोलण्यास रुबिओंचा स्पष्ट नकार

जगातील सर्वात मोठ्या लोकशाहीची प्रतिमा डागाळू नका!

रेल्वे पोलिसांच्या सूत्रांनुसार, हे पाचही जण त्रिपुरामार्गे भारतात दाखल झाले होते. त्यानंतर वेगवेगळ्या रेल्वेगाड्यांनी प्रवास करत ते एनजेपी स्थानकावर पोहोचले. येथून त्यांना हैदराबादला जायचे होते. अटक करण्यात आलेल्या आरोपींची नावे नूर मोहम्मद (५५), मीर कासेम (५९), काशमीन (१९), मुक्कर रामा (१८) आणि मोहम्मद जाशिर (१५) अशी आहेत. प्राथमिक चौकशीनंतर पाचही जणांना डिटेन्शन सेंटरमध्ये पाठवण्याची व्यवस्था करण्यात आली आहे. या प्रकरणाचा पुढील तपास रेल्वे पोलीस (जीआरपी) करत आहेत.