प्रदर्शनाच्या ३०व्या दिवशी चित्रपटाने तब्बल १६.२५ कोटी रुपयांची नेट कमाई केली. त्यामुळे भारतातील एकूण नेट कलेक्शन ९९.१३ कोटी रुपयांवर पोहोचले असून आता १०० कोटींचा टप्पा गाठण्यासाठी चित्रपटाला केवळ काही लाख रुपयांचीच गरज आहे.

विशेष म्हणजे 'हनुमान अंश'ची सुरुवात फारशी प्रभावी नव्हती. पहिल्या आठवड्यात चित्रपटाने केवळ १.०८ कोटी रुपये, तर दुसऱ्या आठवड्यात ४० लाख रुपयांची कमाई केली. मात्र तिसऱ्या आठवड्यापासून चित्रपटाच्या कमाईला वेग आला आणि तिसऱ्या आठवड्यात १०.४० कोटी रुपयांची कमाई झाली. चौथ्या आठवड्यात तर चित्रपटाने तब्बल ६१ कोटी रुपये कमावत बॉक्स ऑफिसवर आपली पकड मजबूत केली.

बापट बहू बडबडला!

संयुक्त राष्ट्रांच्या नकाशात लडाख, जम्मू-काश्मीरबाबत तडजोड नाही!

चित्रपटाच्या यशामागे प्रेक्षकांची तोंडी प्रसिद्धी म्हणजेच 'वर्ड ऑफ माउथ' हा महत्त्वाचा घटक ठरला आहे. विशाल चतुर्वेदी यांनी या चित्रपटाचे लेखन आणि दिग्दर्शन केले असून कथा नीम करोली बाबा, ज्यांना महाराजजी म्हणूनही ओळखले जाते, यांच्या जीवन आणि शिकवणीवर आधारित आहे. कमी सुरुवातीनंतर प्रेक्षकांचा वाढता प्रतिसाद आणि वाढती कमाई यामुळे 'हनुमान अंश'ने बॉक्स ऑफिसवर अनपेक्षित यश मिळवले आहे. आता १०० कोटींचा आकडा पार करण्यासाठी चित्रपट सज्ज असून, पुढील काही दिवसांत हा महत्त्वाचा टप्पा गाठण्याची शक्यता आहे.