ड्रोनचे फुटेज प्रसिद्ध
होर्मुझ सामुद्रधुनीत आणखी एक अमेरिकन पाण्याखालील ड्रोन पकडण्यात आल्याचा दावा इराणच्या इस्लामिक रिव्होल्युशनरी गार्ड कॉर्प्सने (आयआरजीसी) केला आहे. आयआरजीसीच्या म्हणण्यानुसार, हा हेरगिरीच्या उद्देशाने होर्मुझ सामुद्रधुनीत कार्यरत असलेला अमेरिकन 'रेमस ६००' स्वायत्त पाण्याखालील वाहन होता.
इराणच्या सरकारी माध्यमांनीही या ड्रोनचे फुटेज जारी केले आहे.
आयआरजीसीने सांगितले की, या कारवाईत गुप्तचर निरीक्षण आणि इलेक्ट्रॉनिक युद्धासाठीच्या उपकरणांचा वापर करण्यात आला. इराणी नौदलाच्या म्हणण्यानुसार, हा ड्रोन आता त्यांच्या तज्ज्ञांच्या ताब्यात असून त्यातून माहिती मिळवण्याचे प्रयत्न सुरू आहेत. होर्मुझ सामुद्रधुनीला प्रतिबंधित क्षेत्र घोषित करत आयआरजीसीने सांगितले की, या भागात धोकादायक हालचाली आणि परवानगीशिवाय होणाऱ्या हालचालींविरोधात कारवाई सुरूच राहील.
एका महिन्यात दुसऱ्यांदा अमेरिकन ड्रोन पकडल्याचा दावा
या महिन्यात दुसऱ्यांदा इराणने अमेरिकन पाण्याखालील ड्रोन पकडल्याचा दावा केला आहे. यापूर्वी ८ सप्टेंबर रोजी इराणने आणखी एका अमेरिकन ड्रोनवर ताबा मिळवल्याचा दावा केला होता. इराणच्या सरकारी माध्यमांनी या ड्रोनची ओळख 'डाइव्ह-एलडी' अशी केली होती. हे स्वायत्त पाण्याखालील वाहन कॅलिफोर्नियातील संरक्षण तंत्रज्ञान कंपनी 'एंडुरिल इंडस्ट्रीज'ने तयार केले आहे. आयआरजीसीने या ड्रोनला अमेरिकेच्या सर्वात प्रगत पाण्याखालील यंत्रणांपैकी एक असल्याचे सांगत त्याचा ताबा मिळवणे ही मोठी कामगिरी असल्याचा दावा केला होता. मात्र, अमेरिकेने इराणचा दावा आणि या घटनेचे महत्त्व फेटाळून लावले आहे.
दहशतवादामुळे सर्वाधिक प्रभावित देशांच्या यादीत पाकिस्तान अव्वल
उज्जैनमध्ये शाही मशिदीच्या कारवाईवरून राडा; पोलिसांवर दगडफेक
बोईंग ७३७ मॅक्सच्या सॉफ्टवेअरमध्ये तांत्रिक बिघाड
बंगळुरूमध्ये ट्रॅफिकचा कहर; सोसायटीतून बाहेर पडायलाच ३० मिनिटे
अमेरिकेने यापूर्वी काय म्हटले होते?
८ सप्टेंबरच्या घटनेबाबत पेंटागॉनच्या प्रवक्त्याने सांगितले होते की, इराणने ताब्यात घेण्याच्या एक दिवस आधी या पाण्याखालील ड्रोनमध्ये बिघाड झाला होता. अमेरिकेच्या म्हणण्यानुसार, परिसरातील पाण्यावर नजर ठेवण्यासाठी सुरू असलेल्या अमेरिकन मोहिमेचा हा ड्रोन एक भाग होता. पेंटागॉनने हेही स्पष्ट केले होते की, हा 'डाइव्ह-एलडी'चा जुना मॉडेल होता आणि त्यामध्ये कोणतीही संवेदनशील माहिती किंवा वर्गीकृत सोनार अथवा रडार उपकरणे नव्हती. आता दुसऱ्या ड्रोनबाबत इराणने केलेल्या नव्या दाव्यामुळे होर्मुझ सामुद्रधुनीतील अमेरिका आणि इराणमधील तणाव आणखी वाढला आहे.