स्वरूपानंद देशमुख यांचा विजय; गावकऱ्यांनी दिला वेगळा कौल

बीड जिल्ह्यातील केज तालुक्यातील मस्साजोग ग्रामपंचायत पोटनिवडणुकीत एक अत्यंत महत्त्वाचा आणि चर्चेचा निकाल समोर आला आहे. दिवंगत सरपंच संतोष देशमुख यांच्या पत्नी अश्विनी देशमुख यांना या निवडणुकीत पराभवाचा सामना करावा लागला आहे.

भावनिक पार्श्वभूमी असतानाही ग्रामस्थांनी अपेक्षेपेक्षा वेगळा निर्णय देत स्वरूपानंद देशमुख यांना विजयी केले. मागील निवडणूकीत स्वरूपानंद देशमुख यांचा दिवंगत सरपंच संतोष देशमुख यांच्या विरोधात फक्त ९ मतांनी पराभव झाला होता.

मस्साजोग गावात ही निवडणूक अत्यंत संवेदनशील वातावरणात पार पडली. कारण काही काळापूर्वीच सरपंच संतोष देशमुख यांची हत्या झाली होती. या घटनेने संपूर्ण गाव हादरले होते. त्यामुळे या निवडणुकीत सहानुभूतीची लाट निर्माण होईल आणि संतोष देशमुख यांच्या कुटुंबीयांना पाठिंबा मिळेल, अशी शक्यता व्यक्त केली जात होती. त्यानुसार त्यांच्या पत्नी अश्विनी देशमुख या निवडणुकीच्या रिंगणात उतरल्या होत्या.

सोने-चांदी दरात अस्थिरता

विधानपरिषदेसाठी मविआकडून अंबादास दानवे; काँग्रेसची भूमिका काय?

मंगळुरू कुकर ब्लास्ट प्रकरणात मोहम्मद शारिकला १० वर्षांची शिक्षा

मात्र, प्रत्यक्ष निकाल लागल्यानंतर चित्र वेगळेच दिसून आले. ग्रामस्थांनी भावनिकतेपेक्षा स्थानिक मुद्द्यांना आणि नेतृत्वाला प्राधान्य दिल्याचे दिसून आले. स्वरूपानंद देशमुख यांनी या निवडणुकीत आघाडी घेत अखेर विजय मिळवला. मिळालेल्या माहितीनुसार त्यांनी जवळपास ९० ते १०० मतांच्या फरकाने विजय मिळवला, ज्यामुळे हा निकाल अधिकच चर्चेत आला आहे.

या निवडणुकीत मतदारांनी विकास, स्थिरता आणि गावाच्या भविष्यासंदर्भातील अपेक्षा लक्षात घेऊन मतदान केल्याचे बोलले जात आहे. सहानुभूतीची लाट असतानाही मतदारांनी स्वतंत्र निर्णय घेतल्यामुळे ही निवडणूक केवळ स्थानिक राजकारणापुरती मर्यादित न राहता राज्यभर चर्चेचा विषय ठरली आहे.