यावेळी मोनोरेल केवळ स्वतंत्र वाहतूक व्यवस्था राहणार नसून ती मेट्रो आणि उपनगरीय लोकल रेल्वेशी प्रभावीपणे जोडली जाणार आहे. त्यामुळे पूर्व उपनगरांतील लाखो प्रवाशांचा प्रवास अधिक जलद, सुलभ आणि अखंड होणार आहे.

एमएमआरडीएने (MMRDA) तयार केलेल्या नव्या आराखड्यानुसार मोनोरेलची वारंवारता वाढवणे, वेळेचे अचूक नियोजन करणे आणि प्रवाशांना सुरक्षित व आरामदायी प्रवासाचा अनुभव देणे यावर भर दिला जाणार आहे. 'मेक इन इंडिया' अंतर्गत तयार करण्यात आलेल्या नव्या रेक्ससह विद्यमान गाड्यांचेही आधुनिकीकरण करण्यात आले आहे. तसेच आधुनिक सीबीटीसी (CBTC) सिग्नलिंग प्रणालीमुळे सेवा अधिक विश्वासार्ह आणि कार्यक्षम होईल.

शरद पवारांच्या राष्ट्रवादीतील सर्व प्रवक्त्यांच्या नियुक्त्या रद्द

उत्तर प्रदेशातील मदरशात आता फक्त १२वीपर्यंत शिक्षण, पदव्या देणे बंद

सलग दुसऱ्या दिवशी सोन्या-चांदीत तेजी
नव्या योजनेतील सर्वात महत्त्वाचा बदल म्हणजे चेंबूर येथे मोनोरेल, मेट्रो आणि हार्बर लोकल यांच्यात इंटरचेंजची सुविधा उपलब्ध होणार आहे. यामुळे एका वाहतूक व्यवस्थेतून दुसऱ्यात जाण्यासाठी लागणारा वेळ मोठ्या प्रमाणात कमी होईल. भविष्यात महालक्ष्मी परिसरातूनही मेट्रोशी जोडणी उपलब्ध झाल्यास दक्षिण मुंबई, मध्य मुंबई आणि पूर्व उपनगरांमधील प्रवास अधिक वेगवान होण्याची अपेक्षा आहे.

तांत्रिक बिघाड आणि सुरक्षेच्या कारणांमुळे अनेक महिने बंद असलेली मोनोरेल आता सर्व आवश्यक सुरक्षा चाचण्या पूर्ण करून नव्या रूपात पुन्हा धावण्यासाठी सज्ज झाली आहे. या पुनरुज्जीवनामुळे मुंबईतील एकात्मिक सार्वजनिक वाहतूक व्यवस्थेला नवी दिशा मिळणार असून रस्त्यांवरील वाहतूक कोंडी कमी करण्यासही मोठी मदत होईल. प्रवाशांना सुरक्षित, जलद आणि आरामदायी प्रवासाचा पर्याय उपलब्ध करून देण्याच्या दृष्टीने मोनोरेलचे पुनरागमन हा मुंबईच्या वाहतूक व्यवस्थेतील महत्त्वाचा टप्पा मानला जात आहे.