नशामुक्त युवा, ड्रग्जमुक्त भारत, हा आपला संकल्प आहे. विशेषतः आपले तरुण मोठ्या संख्येने या अभियानाचा भाग होत आहेत. शेवटी, भारतातील तरुणांचे आरोग्य, त्यांचा आनंद आणि उज्ज्वल भविष्यासाठीच हा आपला सामूहिक संकल्प आहे.'

पंतप्रधानांनी सांगितले की, नशेचे व्यसन केवळ एका व्यक्तीलाच आपल्या विळख्यात घेत नाही, तर त्याचे दुष्परिणाम संपूर्ण कुटुंबाला आणि समाजालाही भोगावे लागतात. ड्रग्जविरोधात लोकांमध्ये जनजागृती करणाऱ्या आणि नशेच्या व्यसनाशी झुंज देणाऱ्या लोकांना मदत करण्यासाठी पुढे येणाऱ्यांचे त्यांनी कौतुक केले.

पंतप्रधान मोदी यांनी देशातील युवक, कलाकार आणि कंटेंट क्रिएटर्सना या अभियानात सक्रिय भूमिका बजावण्याचे आवाहन केले. ते म्हणाले, 'नशामुक्त भारतासाठी तुम्ही एखादा प्रभावी घोषवाक्य तयार करू शकता का? आपल्या युवा संगीतकारांनी ड्रग्जमुक्त जीवनाचा संदेश देणारी गाणी तयार करू शकतील का? विद्यार्थी आणि नाट्यगट अशी हृदयस्पर्शी लघुनाटके लिहू शकतील का, ज्यामध्ये ड्रग्जचे धोके सांगण्याबरोबरच त्यातून बाहेर पडण्याचा मार्गही दाखवला जाईल?'

तरुणांच्या प्रश्नांवर भाजपचा फोकस; नितीन नबीन यांची 'टीम-४५'सोबत चर्चा

नेपाळ-तिबेट सीमेवरील महाप्रलयाचे व्हिडीओ जिनपिंग सरकारने केले गायब

समृद्धीवर १८ लाखांचा दरोडा; वकिलाला लुटले

पंतप्रधान म्हणाले की, देशात उत्कृष्ट कंटेंट क्रिएटर्सची कमतरता नाही. त्यांनी विविध भाषांमध्ये असे आशयपूर्ण कंटेंट तयार करावेत, ज्यामुळे समाजाला या दिशेने मदत होईल. लोकांनी आपले प्रयत्न सोशल मीडियावर हॅशटॅगसह शेअर करण्याचेही त्यांनी आवाहन केले.

पंतप्रधान मोदी म्हणाले, 'अनेकदा सर्जनशील प्रयत्न औपचारिक अभियानांपेक्षा अधिक प्रभावी ठरतात.' लोकांना आवाहन करताना ते म्हणाले, 'चला, भारतातील युवकांना नशेपासून दूर ठेवण्यासाठी आणि नशामुक्त ठेवण्यासाठी या पवित्र कार्यात आपण सर्वजण आपली भूमिका बजावूया. आपले प्रयत्न #नशामुक्तयुवा या हॅशटॅगसह सोशल मीडियावर जरूर शेअर करा.'