शुक्रवारी (९ ऑक्टोबर) मुख्यमंत्री योगी आदित्यनाथ यांच्या अध्यक्षतेखाली झालेल्या मंत्रिमंडळ बैठकीत विमानतळाचे नाव 'नरेंद्र मोदी जेवर आंतरराष्ट्रीय विमानतळ' करण्याच्या प्रस्तावाला मंजुरी देण्यात आली.

बैठकीनंतर मुख्यमंत्री योगी आदित्यनाथ यांनी या निर्णयाची माहिती दिली. पंतप्रधान नरेंद्र मोदी यांच्या सार्वजनिक सेवेतील २५ वर्षांचा कालखंड देशाच्या आणि उत्तर प्रदेशच्या विकासासाठी महत्त्वपूर्ण ठरल्याचे त्यांनी सांगितले. पंतप्रधानांच्या योगदानाचा गौरव करण्यासाठी राज्य मंत्रिमंडळाने हा प्रस्ताव मंजूर केल्याचेही त्यांनी स्पष्ट केले. पंतप्रधानांचे उत्तर प्रदेशशी जिव्हाळ्याचे नाते असून, त्यांच्या नेतृत्वाखाली राज्य विकासाची नवी शिखरे गाठत असल्याचे मुख्यमंत्री म्हणाले.

पंतप्रधानांनी सेवा, समर्पण आणि राष्ट्रनिर्माण हे आपले ध्येय मानले आहे. त्यांच्या नेतृत्वाखाली भारताची जागतिक स्तरावरील ओळख अधिक मजबूत झाली आहे, असे योगी आदित्यनाथ यांनी सांगितले. अयोध्येतील राम मंदिराची उभारणी म्हणजे ५०० वर्षांची प्रतीक्षा संपल्याचे उदाहरण असल्याचे नमूद करत त्यांनी काशी विश्वनाथ कॉरिडॉरची निर्मिती आणि परदेशातून माँ अन्नपूर्णा यांची मूर्ती परत आणून तिची पुनर्स्थापना करण्याच्या प्रयत्नांचाही उल्लेख केला.

१० ऑक्टोबरच्या कॉकरोचच्या आंदोलनाला परवानगी नाकारली

२ ऑक्टोबरपासून दिल्ली पोलिसांकडून २५ एफआयआर

गोदावरी नदीकाठावरील अनधिकृत मजार हटवली

फेसबुकवरील कमेंटमुळे श्रीलंकन हिंदू तरुणाला सौदीत मृत्युदंड

पंतप्रधान नरेंद्र मोदी यांनी २८ मार्च २०२६ रोजी या विमानतळाच्या पहिल्या टप्प्याचे उद्घाटन केले होते. पहिल्या टप्प्यात सुमारे ११ हजार कोटी रुपये खर्चून ३,३०० एकर क्षेत्रावर टर्मिनल आणि धावपट्टी विकसित करण्यात आली आहे. या टप्प्यात विमानतळाची सुरुवातीची वार्षिक प्रवासी क्षमता सुमारे १.२ कोटी इतकी असल्याचे सांगण्यात आले आहे. प्रकल्पाचे चारही टप्पे पूर्ण झाल्यानंतर या विमानतळाचा आशियातील सर्वात मोठ्या विमानतळांमध्ये समावेश करण्याचे नियोजन आहे.