पुढील एक वर्ष अनावश्यक सोन्याची खरेदी टाळण्याचे आवाहन

रविवारी सिकंदराबाद येथे आयोजित सभेला संबोधित करताना पंतप्रधान नरेंद्र मोदी यांनी नागरिकांना पुढील एक वर्ष अनावश्यक सोन्याची खरेदी टाळण्याचे आवाहन केले होते, जेणेकरून भारताच्या परकीय चलन साठ्यावरचा ताण कमी होईल.

पंतप्रधान नरेंद्र मोदी यांच्या आवाहनानंतर सोमवारी ज्वेलरी क्षेत्रातील शेअर्समध्ये मोठी घसरण पाहायला मिळाली. Titan Company, Kalyan Jewellers, Sky Gold आणि Bluestone Jewellery and Lifestyle यांसारख्या कंपन्यांचे शेअर्स १२ टक्क्यांपर्यंत घसरले.

दुपारी १ वाजता टायटनचा शेअर ६.११ टक्क्यांच्या घसरणीसह ४,२३३ रुपयांवर व्यवहार करत होता. तर कल्याण ज्वेलर्सचा शेअर ८.९१ टक्क्यांच्या घसरणीसह ३८७ रुपयांवर होता. स्काय गोल्डचा शेअर ७.८४ टक्क्यांच्या घसरणीसह ४९८.८० रुपयांवर, तर ब्लूस्टोन ज्वेलरी अँड लाइफस्टाइलचा शेअर ५.६४ टक्क्यांच्या घसरणीसह ४७५ रुपयांवर होता.

पंतप्रधान नरेंद्र मोदी यांनी नागरिकांना पुढील एक वर्ष अनावश्यक सोन्याची खरेदी टाळण्याचे आवाहन केले, जेणेकरून भारताच्या परकीय चलन साठ्यावरचा ताण कमी होईल. ते म्हणाले, 'सध्याच्या परिस्थितीत परकीय चलनाची बचत देशासाठी अत्यंत महत्त्वाची झाली आहे.' भारताची आयातीत इंधनावरील अवलंबित्वाचा उल्लेख करताना पंतप्रधान मोदी यांनी इंधन बचत, अनावश्यक खर्च कमी करणे आणि भारतात तयार होणाऱ्या वस्तूंच्या वापराला प्राधान्य देणे आवश्यक असल्याचे सांगितले.

भारताने वर्षभर सोनं खरेदी करणं टाळल्यास किती कोटींची होईल बचत?