एक पिस्तूल, १२ जिवंत काडतुसे आणि एक हँड ग्रेनेड जप्त
सुरक्षादलांनी मंगळवारी (२५ ऑगस्ट) दक्षिण काश्मीरमधील पुलवामा जिल्ह्यात दहशतवाद्यांच्या दोन साथीदारांना अटक केली. राजपोरा येथील सीबी नाथ परिसरातील यारवान जंगलात राबवण्यात आलेल्या संयुक्त मोहिमेदरम्यान ही कारवाई करण्यात आली.
अटक करण्यात आलेल्या दोघांकडून एक पिस्तूल, १२ जिवंत काडतुसे आणि एक हँड ग्रेनेड जप्त करण्यात आला आहे.
पोलीस अधिकाऱ्याने दिलेल्या माहितीनुसार, संशयित दहशतवादी साथीदारांच्या हालचालींबाबत मिळालेल्या गुप्त माहितीच्या आधारे पुलवामा पोलिसांनी लष्कराच्या ४४ राष्ट्रीय रायफल्स आणि केंद्रीय राखीव पोलीस दलाच्या (CRPF) १८३ बटालियनच्या जवानांसोबत संयुक्त कारवाई केली.
'नारळ फोडणे, कापूर पेटवणे चुकीचे'; हिंदू प्रथांविरोधात पत्रकवाटप
शाळेच्या गणवेशासोबत हिजाब घालता येणार नाही!
धोत्र्याच्या फळाची ऑनलाइन विक्री; ऍमेझॉनसह तीन कंपन्यांचे लायसन्स निलंबित
युपीआयची दशकपूर्ती; डिजिटल पेमेंट्समधील ऐतिहासिक 'टर्निंग पॉइंट'!
शोध मोहिमेदरम्यान संयुक्त पथकाला जंगल परिसरातून सीबी नाथ गावाच्या दिशेने संशयास्पदरीत्या येणारे दोन जण दिसले. सुरक्षा दलांनी त्यांना तातडीने रोखून ताब्यात घेतले. त्यानंतर त्यांची ओळख पुलवामामधील गाव लस्सी डबन येथील गुलाम मोहम्मद दीदार यांचा मुलगा लतीफ अहमद दीदार आणि बुन खा बमूनू येथील नजीर अहमद बाजाद यांचा मुलगा एजाज अहमद बाजाद अशी झाली. या प्रकरणी राजपोरा पोलीस ठाण्यात शस्त्रास्त्र कायदा आणि बेकायदा कारवाया (प्रतिबंध) कायद्यातील (UAPA) संबंधित कलमांनुसार गुन्हा दाखल करण्यात आला आहे. पुढील तपास सुरू आहे.