त्यामुळे सोन्याच्या वाढत्या किमतींमुळे चिंतेत असलेल्या ग्राहकांना काहीसा दिलासा मिळाला आहे. बुलियन मार्केटनुसार, आज २४ कॅरेट सोन्याचा दर १० ग्रॅमसाठी १ लाख ५१ हजार ५६० रुपये, तर २२ कॅरेट सोन्याचा दर १ लाख ३८ हजार ९३० रुपये आहे. दुसरीकडे, चांदीच्या दरातही बदल झाला असून एक किलो चांदीचा भाव २ लाख ३२ हजार २४० रुपये, तर १० ग्रॅम चांदीचा दर २ हजार ३२२ रुपये इतका आहे.

शहरनिहाय पाहिल्यास मुंबई आणि पुण्यात २२ कॅरेट सोन्याचा दर १० ग्रॅमसाठी १ लाख ३८ हजार ६७३ रुपये, तर २४ कॅरेट सोन्याचा दर १ लाख ५१ हजार २८० रुपये आहे. नागपूर आणि नाशिकमध्ये २२ कॅरेट सोन्याचा दर १ लाख ३८ हजार ५७३ रुपये, तर २४ कॅरेट सोन्याचा दर १ लाख ५१ हजार १७० रुपये आहे. हे दर सूचक असून त्यामध्ये जीएसटी, टीसीएस आणि इतर करांचा समावेश नाही. त्यामुळे प्रत्यक्ष दागिने खरेदी करताना स्थानिक सराफाकडील अंतिम दर तपासणे आवश्यक आहे.

पावसाने चीनला रोखलं, बांगलादेशला उपांत्य फेरीचं तिकीट!

सोन्याच्या शुद्धतेनुसार त्याच्या किमतीतही फरक पडतो. २४ कॅरेट सोने ९९.९ टक्के शुद्ध मानले जाते, तर २२ कॅरेट सोन्यात सुमारे ९१ टक्के सोने असते आणि उर्वरित भागात तांबे, चांदी किंवा जस्त यांसारख्या धातूंचे मिश्रण केले जाते. त्यामुळे दागिने तयार करण्यासाठी प्रामुख्याने २२ कॅरेट सोन्याचा वापर केला जातो. सध्या सणासुदीचा काळ जवळ येत असल्याने सोन्या-चांदीच्या दरातील प्रत्येक हालचालीकडे ग्राहक आणि सराफा बाजाराचे लक्ष लागले आहे.