हे आंदोलन दिल्लीतील विद्यार्थी आंदोलनावरील पोलिस कारवाई आणि नीट (NEET) पेपरफुटी प्रकरणाच्या निषेधार्थ आयोजित करण्यात आले होते.

पोलिसांनी दिलेल्या माहितीनुसार, २४ जुलै रोजी सायंकाळी फ्रीडम पार्कमध्ये विविध विद्यार्थी संघटनांच्या आंदोलनादरम्यान संबंधित महिलेने 'उमर खालिद जिंदाबाद', 'शर्जील इमाम जिंदाबाद' असे मजकूर असलेले फलक हातात धरले होते. बंदोबस्तावर असलेल्या पोलिस उपनिरीक्षकांनी हे लक्षात आल्यानंतर संबंधित महिलेपर्यंत पोहोचण्याचा प्रयत्न केला. मात्र, गर्दीचा फायदा घेत ती आणि तिचे फलक इतर आंदोलकांनी लपविल्याचा आरोप पोलिसांनी केला आहे.

घटनेनंतर पोलिसांनी फ्रीडम पार्क परिसरातील सीसीटीव्ही फुटेज आणि बंदोबस्तावरील कर्मचाऱ्यांच्या बॉडी-कॅमेऱ्यातील दृश्यांची तपासणी केली. या तपासात संबंधित महिलेने जाणीवपूर्वक उत्तेजक स्वरूपाचे फलक प्रदर्शित करून सार्वजनिक शांतता भंग करण्याचा प्रयत्न केल्याचा प्राथमिक निष्कर्ष नोंदवण्यात आला. त्यानंतर अज्ञात महिलेविरोधात भारतीय न्याय संहितेतील (BNS) संबंधित कलमांनुसार गुन्हा दाखल करण्यात आला असून तिचा शोध सुरू आहे.

हे आंदोलन कर्नाटक विद्यार्थी संघटनेच्या (KVS) नेतृत्वाखाली आयोजित करण्यात आले होते. या आंदोलनात विविध विद्यार्थी संघटनांचे शेकडो कार्यकर्ते सहभागी झाले होते. आंदोलकांनी दिल्लीतील विद्यार्थ्यांवरील कथित लाठीमाराचा निषेध करत केंद्रीय शिक्षणमंत्र्यांच्या राजीनाम्याची मागणी केली होती.

जंतर-मंतरवरील आंदोलनाला परवानगी होती, संसद मोर्चाला नाही

'अल्लाहने आदेश दिला' म्हणत तीन महिलांवर चाकूहल्ला

कीर्तनकार, हिंदुत्ववादी कार्यकर्त्या क्रांतिगीता ताई महाबळ यांचे निधन

'एनर्जी ड्रिंक' शब्द हटवा! रेड बुलपासून पेप्सीपर्यंत सर्वांनाच नवे नियम

दरम्यान, उमर खालिद आणि शर्जील इमाम हे दोघे २०२० मधील दिल्ली दंगलीशी संबंधित कथित मोठ्या कटप्रकरणातील आरोपी असून त्यांच्याविरोधातील खटले न्यायप्रविष्ट आहेत. या प्रकरणात त्यांना अद्याप दोषी किंवा निर्दोष ठरविण्यात आलेले नाही. पोलिसांनी या फलकांना सार्वजनिक शांतता भंग करण्याच्या उद्देशाने प्रदर्शित केल्याचा आरोप केला असून पुढील तपास सुरू आहे.