पक्षाच्या केंद्रीय निवडणूक समितीने या नावांना मंजुरी दिल्यानंतर उमेदवारांची अधिकृत घोषणा करण्यात आली.
पुणे विभाग पदवीधर मतदारसंघासाठी भाजपकडून शरद लाड यांच्या नावाची चर्चा होती. मात्र, पक्षाने डॉ. स्मिता जाधव यांच्या नावावर शिक्कामोर्तब केले. त्यामुळे पुणे पदवीधर मतदारसंघातील निवडणुकीला आता वेगळे महत्त्व प्राप्त झाले आहे. दुसरीकडे पुणे शिक्षक मतदारसंघासाठी कौस्तुभ गावडे यांना संधी देण्यात आली आहे. या जागेच्या उमेदवारीवरून महायुतीमध्ये चर्चा सुरू होती. अखेर भाजपने या मतदारसंघासाठी आपला उमेदवार जाहीर केला आहे.

गोल्फमध्ये सुवर्ण जिंकणाऱ्या प्रणवीला १० लाखांचे इनाम

'विंडीजविरुद्ध मालिका जिंकणे ही टीम इंडियाची प्राथमिकता'

शेतात राबणार रोबोट्स, ड्रोन
नागपूर विभाग पदवीधर मतदारसंघातून माजी आमदार सुधाकर कोहळे यांना उमेदवारी देण्यात आली आहे. भाजपच्या संघटनात्मक आणि राजकीय अनुभवाच्या पार्श्वभूमीवर त्यांच्यावर पक्षाने पुन्हा विश्वास दाखवला आहे. तीन उमेदवारांच्या घोषणेमुळे भाजपने या निवडणुकीतील आपली भूमिका स्पष्ट केली असून आता अन्य राजकीय पक्ष कोणाला मैदानात उतरवतात, याकडे लक्ष लागले आहे.
विधान परिषदेच्या तीन पदवीधर आणि दोन शिक्षक मतदारसंघांसाठी निवडणूक प्रक्रिया सुरू झाली आहे. या निवडणुकीसाठी २३ ऑक्टोबरला मतदान होणार असून २७ ऑक्टोबरला मतमोजणी होणार आहे. उमेदवारी अर्ज दाखल करण्याची अंतिम मुदत ६ ऑक्टोबर आहे. त्यामुळे येत्या काही दिवसांत उमेदवारांच्या घोषणा आणि राजकीय समीकरणांमध्ये आणखी बदल होण्याची शक्यता आहे. परिणामी पुणे आणि नागपूरसह संबंधित मतदारसंघांतील निवडणुकीचे चित्र अधिक स्पष्ट होणार आहे.