पुणे (संदिप कद्रे) : पुणे शहरातील नाना पेठेत झालेल्या टोळीयुद्धात आयुष कोमकर (वय १९) याची काही दिवसांपूर्वी निर्दयपणे हत्या करण्यात आली होती. माजी नगरसेवक वनराज आंदेकर यांच्या खुनाचा बदला घेण्यासाठी आंदेकर टोळीने आयुषवर गोळीबार केला होता.

वनराज आंदेकर चा मारेकरी समीर काळे याचा भाऊ गणेश काळे याच्यावर गोळीबार करत कोंढव्यात हत्या करण्यात आली आहे. समीर काळे हा वनराज आंदेकरच्या हत्येतील आरोपी असून तो सध्या तुरुंगात आहे.

पुणे शहरात पुन्हा एकदा आज (शनिवार) गोळीबाराची घटना घडली. कोंढवा परिसरात दिवसाढवळ्या झालेल्या या गोळीबारामुळे नागरिकांमध्ये भीतीचे वातावरण निर्माण झाले आहे. कोंढवा परिसरातील खडी मशीन चौकात गोळीबार करण्यात आला आहे. गणेश काळे असे गोळीबारात मृत्यू झालेल्या युवकाचे नाव आहे. गणेश काळे हा आंदेकर टोळीतील समीर काळे याचा भाऊ आहे. आरोपीने एकूण 4 गोळ्या झाडल्या त्यानंतर कोयत्याने वार करण्यात आले आहे. या घटनेमुळे पुणे शहरात खळबळ उडाली आहे.