या हत्याकांडानंतर पोलिसांनी आरोपी पतीला अटक केली आहे.

विशाल जगन रंदई (वय 37) असे मृत व्यक्तीचे नाव आहे तर निलेश अरुण ढोणे (वय 35) असे आरोपीचे नाव आहे. पत्नीशी दोन वर्षांपासून विशालचे अनैतिक संबंध असल्याची चर्चा गावात होती, तसा संशयही निलेशला होता. याच कारणावरुन दोघांमध्ये अनेकदा वाद होत होते.

आरोपी अरुण ढोणे याने विशाल रंदई याला गावातीलच एका एकांत ठिकाणी भेटायला बोलावले. त्या ठिकाणी दोघांमध्ये चर्चा होऊन वाद झाला. वादादरम्यान रागाच्या भरात आरोपीने लाकडी दांड्याने विशाल रंदईवर हल्ला केला. त्यामध्ये गंभीर जखमी झालेला रंदई रक्ताच्या थारोळ्यात पडला. अचानक झालेल्या या हल्ल्यात त्याचा जागीच मृत्यू झाला. त्यानंतर, पोलिसांनी आरोपीला अटक केली असून, पुढील तपास घाटंजी पोलिस ठाण्यातील अधिकारी करीत आहेत.