घटनास्थळी सापडलेल्या सुसाईड नोटमध्ये पतीने पत्नीचे अनैतिक संबंध असल्याचा उल्लेख केला आहे.

बिहारच्या बक्सर जिल्ह्यातील नीतू आणि आरा जिल्ह्यातील पंकजची मैत्री एका मॉलमध्ये झाली होती. दोघांच्या मैत्रीचे पुढे प्रेमात रुपांतर झाले. नीतूने बिहार पोलिस कॉन्स्टेबल परीक्षेची तयारी केली. २०१५ ला तिला यश मिळाले. कॉन्स्टेबल बनल्यानंतर २०१९ मध्ये नीतूने जानेवारीत पंकजसोबत लग्न केले. लग्नानंतर दोघांना २ मुले झाली. सुरुवातीला नीतूची पोस्टिंग नवगछिया येथे होती. त्यानंतर भागलपूर एसएसपी कार्यालयात बदली झाली.

सरकारी नोकरीमुळे कॉन्स्टेंबल नीतू कुटुंबासह पोलिस वसाहतीत राहायला आली. पंकज, २ मुले, नीतू आणि त्याची सासू राहत होते. नीतूचा नवरा पंकज एका बुटाच्या दुकानात काम करत होता. अनैतिक संबंधांवरून पंकज आणि नीतू यांच्यात भांडण होऊ लागली. नीतूचे अन्य पुरुषाशी संबंध आहेत असे पंकजला वाटत होते.

दूधवाल्याने मंगळवारी पहाटे रक्ताच्या थारोळ्यात मृतदेह पाहिले आणि त्याने तातडीने शेजाऱ्यांना कळवले. पोलिसांनी टीम घटनास्थळी दाखल झाली त्यांनी काही मृतदेह बेडवर तर काही जमिनीवर पडल्याचे पाहिले. पंकजचा मृतदेह पंख्याला लटकलेल्या अवस्थेत सापडला. सोमवारी रात्री नीतू आणि पंकजमध्ये घराबाहेर काही क्षुल्लक कारणावरून वाद झाला. घटनास्थळी सापडलेल्या सुसाईड नोटमधून पंकजने आत्महत्येपूर्वी पत्नी, २ मुले आणि सासूचा खून केल्याचे कबुल केले. सध्या पोलिसांनी या प्रकरणी गुन्हा दाखल केला असून तपासाला सुरुवात केली आहे. अनैतिक संबंधांच्या संशयावरून पतीने हे कृत्य केल्याचे समोर येत आहे. पोलिस पुढील तपास करत आहेत.