आरोपींना पकडण्यासाठी पोलिसांची पथकं रवाना झाली आहेत.

राजश्री बार आणि क्लबमध्ये काही युवकांमध्ये वाद झाला, या वादानंतर युवकाच्या डोक्यात दगड घालून तसेच त्याचे कपडे काढून अमानुष मारहाण करण्यात आली. या हल्ल्यात युवक गंभीर जखमी झाला असून, त्याची प्रकृती गंभीर आहे. सध्या त्याच्यावर उपचार सुरू आहेत. तसंच

लातूर शहरातील अंबाजोगाई रोड परिसरात असलेल्या एका बारच्या पुढे हा थरार सुरू होता. याच ठिकाणी असलेल्या राजश्री बार आणि क्लबमध्ये काही युवकांचा वाद झाला. बारमध्ये हाणामारी झाल्यानंतर हा वाद रस्त्यावर आला. रस्त्यावर 5-7 जणांनी मिळून एका युवकाला नग्न करून मारहाण केली. तसेच त्याच्या डोक्यात, अंगावर दगडेही मारण्यात आली. या घटनेमुळे परिसरात खळबळ उडाली आहे.

लातूरच्या शिवाजीनगर पोलिसांनी जखमी तरुणाला लातूरच्या विलासराव देशमुख शासकीय वैद्यकीय महाविद्यालयाच्या रुग्णालयात दाखल केले आहे. युवकाची प्रकृती सध्या चिंताजनक आहे. युवकावर हल्ला करून आरोपी फरार झाले आहेत. आरोपींचा शोध घेण्यासाठी पोलिसांनी पथकं तयार केली आहेत, अशी माहिती लातूर पोलिसांनी दिली आहे.