नवी दिल्लीः चोरी करून करोडोंची संपत्ती कमावणाऱ्या एका चोरट्याला दिल्ली पोलिसांनी अटक केली आहे. दिल्ली ते नेपाळपर्यंत चोरीच्या माध्यमातून कोट्यावधी रुपयांची संपत्ती उभी केली आहे. मनोज चौबे (वय ४८) असे आरोपीचे नाव असून, दिल्लीत त्याने 200 चोऱ्या केल्या होत्या.

पोलिसांनी दिलेल्या माहितीनुसार, सिद्धार्थनगरमध्ये आरोपीने पत्नीच्या नावे गेस्ट हाऊस आणि नेपाळमध्ये स्वतःच्या नावाने हॉटेल उघडले होते. चोरी करून त्याने लखनौ आणि दिल्लीत घरं बांधली. 2001 ते 2023 या कालावधीत 15 हून अधिक गुन्हे दाखल झाले आहेत. मनोज चौबे हा जवळपास 25 वर्षांपासून तो कुटुंबापासून लपून दोन आयुष्य जगत होता. आरोपीने सुमारे 200हून अधिक चोऱ्या केल्या आहेत.

मनोज चौबे याचे कुटुंब सिद्धार्थ नगर जिल्ह्यात राहत होते, परंतु नंतर ते नेपाळमध्ये स्थायिक झाले. 1997 मध्ये मनोज दिल्लीला आला आणि त्याने कीर्ती नगर पोलीस ठाण्यात कॅन्टीन चालवायला सुरुवात केली. त्याने कॅन्टीनमध्ये चोरी केली आणि पकडला गेला. त्याला तुरुंगात पाठवण्यात आले. तुरुंगातून सुटल्यानंतर त्याने घरांना लक्ष्य करण्यास सुरुवात केली. मोठी रक्कम मिळाल्यावर तो गावी परतायचा. सुरुवातीला आरोपी भाड्याच्या घरात राहून चोरी करायचा. त्यासाठी तो आधी परिसराची रेकी करायचा, त्यानंतर मॉडेल टाऊन, रोहिणी, अशोक विहार, पितामपुरा आदी भागातील बंद घरे, घरे, फ्लॅट यांना टार्गेट करायचे. चोरलेल्या रकमेतून आरोपी मनोजने नेपाळमध्ये हॉटेल बांधले. यादरम्यान त्याने यूपीच्या पाटबंधारे विभागात काम करणाऱ्या अधिकाऱ्याच्या मुलीशी लग्न केले. दिल्लीत पार्किंगचे कंत्राट घेतो, असे त्याने सासरच्या मंडळींना सांगितले होते. त्यामुळे कधी-कधी त्यांना वर्षातून सहा ते आठ महिने दिल्लीत राहावे लागते, असेही त्याने सांगितले.

सिद्धार्थनगरमधील शोहरातगडमध्ये त्यांनी पत्नीच्या नावावर गेस्ट हाऊस बांधले आहे. मनोजने आपली जमीन त्याच शहरातील एका हॉस्पिटलसाठी भाडेतत्त्वावर दिली होती, ज्यासाठी त्याला दरमहा 2 लाख रुपये भाडे मिळायचे. आरोपी मनोजने लखनौमध्ये कुटुंबासाठी बांधलेले घर घेतले. कोट्यवधींची मालमत्ता आणि लाखोंचे भाडे मिळूनही तो चोरी करण्यासाठी दिल्लीत यायचा. चोरीच्या एका घटनेत पीडितेच्या तक्रारीवरून पोलिसांनी गुन्हा नोंदवला.

पोलिसांना सीसीटीव्ही कॅमेऱ्याच्या फुटेजमध्ये मनोजचा चेहरा दिसला. यानंतर तो एका ठिकाणी स्कूटीवर फिरताना दिसला. पोलिसांनी स्कूटीचा नंबर तपासला असता स्कूटी विनोद थापा याने विकत घेतल्याचे समोर आले. मनोजने सपना या नेपाळी मुलीशी लग्न केले होते. तिला दिल्लीत लपवून ठेवण्यात आले होते. सपनाचा भाऊ विनोदही येथे राहतो. विनोदने पोलिसांना सांगितले की, स्कूटी मनोज घेऊन फिरतो. यानंतर पोलिसांनी आरोपी मनोजला पकडले. पोलिस पुढील तपास करत आहेत.

I-Phone, I-Pad, Smart Watch चोरणाऱ्यांना युनिट -2 ने केले जेरबंद.

विमानाने पुण्यात येवून घरफोडी करणारे जेरबंद.

पोलिस कोठडी अन् न्यायालयीन कोठडीतील फरक?

The post दिल्ली ते नेपाळपर्यंत चोरी करून कमावली कोट्यावधी रुपयांची संपत्ती… appeared first on पोलीसकाका | POLICEKAKA.