मुंबईः मुंबई पोलिसांनी गिरगाव परिसरात सुरू असलेल्या हाय-प्रोफाइल सेक्स रॅकेटचा पर्दाफाश केला आहे. एका हॉटेलमध्ये सुरू असलेल्या या अवैध व्यवसायावर पोलिसांनी छापा टाकत तीन अभिनेत्रींची सुटका केली.

पोलिसांना मिळालेल्या गुप्त माहितीच्या आधारे ही कारवाई करण्यात आली होती. माहितीची खातरजमा करण्यासाठी पोलिसांनी बनावट ग्राहक लॉजमध्ये पाठवला होता. देहव्यापार सुरू असल्याची खात्री होताच पथकाने तातडीने छापा टाकला. छाप्यामध्ये लॉजमधील विविध खोल्यांमध्ये सात महिलांना देहव्यापारासाठी ठेवण्यात आल्याचे आढळून आले. गिरगावमधील कारवाईनंतर मुंबई पोलिसांनी अशा प्रकारच्या हाय-प्रोफाइल सेक्स रॅकेटविरोधात आणखी काही धक्कादायक माहिती समोर येण्याची शक्यता असून पोलिसांचा तपास सुरू आहे. पोलिसांकडून या रॅकेटच्या आर्थिक व्यवहारांचाही तपास केला जात असून संबंधित हॉटेलच्या व्यवस्थापनाची भूमिकाही तपासली जात आहे.