या प्रकरणी पोलिसांनी नराधम आजोबाला तातडीने बेड्या ठोकल्या असून, पुढील तपास करत आहेत.

पीडित मुलगी ही अल्पवयीन असून बौद्धिकदृष्ट्या दिव्यांग आहे. आरोपीला या गोष्टीची पूर्ण कल्पना होती. तरीही त्याने सर्व नातीगोती विसरून घरात कोणी नसताना या निष्पाप मुलीवर अत्याचार केला. हा भयानक प्रकार पीडित मुलीच्या आईच्या लक्षात येताच तिने तत्काळ भिगवण पोलिस ठाणे गाठले. आईने दिलेल्या फिर्यादीवरून पोलिसांनी आरोपी शिवाजी चंद्रकांत दणाणे (वय ६७, रा. भादलवाडी) याच्याविरुद्ध गुन्हा दाखल केला. आरोपी हा पीडित मुलीच्या आईचा चुलता म्हणजेच मुलीचा आजोबा असल्याने परिसरात तीव्र संताप व्यक्त होत आहे.