'Crime Reporting' Online अभ्यासक्रम अन् 'कमवा आणि शिका'ची संधी!

पिंपरी चिंचवड शहरातील मोशी येथील आदर्श नगर येथे 15 जूनला ही धक्कादायक घटना घडली आहे. या प्रकरणात अमीर शेख (वय 25) या युवकाचा मृत्यू झाला आहे. अमीर शेख याने पंकज विश्वनाथ पाईकराव याच्या मेव्हणीसोबत आंतरधर्मीय लग्न केले होते. याचाच राग मनात धरून पंकज विश्वनाथ पाईकराव याने आपल्या मेहुण्यांच्या मदतीने हे कृत्य केले आहे. या प्रकरणात एमआयडीसी भोसरी पोलिस ठाण्यात गुन्हा दाखल करण्यात आला आहे. या गुन्ह्यातील चारही आरोपींच्या विरोधात भादवि कलम 364, 302, 201, 120 ब आणि 34 प्रमाणे गुन्हा दाखल केला आहे. तसेच गुन्ह्यातील तीन आरोपींना अटक केली आहे. गणेश दिनेश गायकवाड हा आरोपी फरार आहे.

आरोपी पंकज विश्वनाथ पाईकराव याने सुशांत गोपाळ गायकवाड, गणेश दिनेश गायकवाड आणि त्यांचा मित्र सुनील किशन चक्रनारायण याच्या मदतीने 15 जूनला अमीर मोहम्मद शेख याला दारू पिण्यासाठी बोलवले. आरोपींनी मोशीमधील आदर्श नगर येथून अमीर शेख याचे अपहरण केले आणि तिथेच त्याची हत्या केली. या प्रकरणात पोलिस अधिकचा कसून तपास करत आहेत.