फरीदपूर येथील रहिवासी असणाऱ्या पीडित सुधा कुमारी यांनी घडला प्रकार सांगितला आहे. सुधा कुमारी हिचा 21 जून 2021 रोजी भगवानपूर येथील छोटू कुमारसोबत विवाह झाला होता. लग्नानंतर जानेवारी 2024 पासून पती छोटू कुमार मेहुणीसोबत फोनवर बोलू लागला. 3 जून 2024 रोजी छोटू कुमार माझ्या लहान बहिणीला घेऊन दिल्लीला पळून गेला. तिकडेच दोघांनी लग्न केले. सोशल मीडियातून मला याबाबत माहिती मिळाल्यानंतर धक्का बसला.

एका घटनेमुळे धक्का बसला असतानाच माझ्याच आईने माझ्या सासऱ्यासोबत पळ काढला. माझी लहान बहीण आणि माझा नवरा पळून जाण्यासाठी माझी आई फूल कुमारी देवी जबाबदार आहे. माझ्या आईने दोघांना ढोली स्टेशनवर सोडले होते. ते पळून जाताना त्यांना 2000 रुपयेही दिले. त्यानंतर माझ्या आईने दोघांचा शोध घेण्याचे निमित्त केले आणि तुम्ही सासरच्या घरीच राहा, मी दोघांचा शोध घेईन, असे सांगू लागली. पण मी सोबत जाण्यावर ठाम होते. तेव्हा तिनं तू जाणार असशील तर मी येणार नाही अशी भूमिका घेतली.

आई फूल कुमारी देवी आणि सासरे बिराजी भगत हे दोघे पतीआणि लहान बहिणीला शोधण्याच्या निमित्ताने गेले. पण ते शोध घेण्यासाठी नाहीतर पळून गेल्याचे नंतर लक्षात आले. कारण माझी आई सासऱ्यासोबतच दिल्लीत राहू लागली. आता माझा फोनही उचलत नाही, असे पीडित सुधा कुमारी हिने सांगितले. पोलिस पुढील तपास करत आहेत.