त्यामुळे आता सोनम, राज आणि इतर आरोपींचा पाय आणखी खोलात गेला आहे.

राजा रघुवंशी यांच्या हत्येसाठी वापरलेला दुसरा डाओ (माचेट) राज्य आपत्ती प्रतिसाद दलाने (एसडीआरएफ) जप्त केला. पाचही आरोपींनी राजाच्या हत्येत दोन डाओ वापरल्याची कबुली दिली. पहिला डाओ 2 जून रोजी जप्त करण्यात आला, तर दुसरा डाओ हत्येनंतर त्याच ठिकाणी फेकून दिला होता. आरोपीने राजाची हत्या केल्यानंतर त्याच ठिकाणी स्टीलच्या हँडलसह दुसरे शस्त्र टाकले होते. एसडीआरएफ पथकाने घटनास्थळी सखोल शोध मोहीम राबवली. त्यानंतर दुसरा डाओ जप्त करण्यात यश मिळाले.

राजा रघुवंशी हत्या प्रकरणात आतापर्यंत एकाच शस्त्राचा वापर झाल्याचे म्हटले जात होते. त्यानंतर पोलिसांनी सीन रीक्रिएशनच्या वेळी दुसरं शस्त्र सापडले आहे. या डाओला आता फॉरेन्सिक तपासणीसाठी पाठवण्यात येणार आहे. राजाच्या हत्या प्रकरणाच्या तपासात दुसरे डाओ सापडणे हे अतिशय महत्त्वाचे समजलं जात आहे. आरोपींविरोधात भक्कम पुरावे जमा केले जात आहेत. त्यात आता या दुसऱ्या डाओमुळे आणखीच भर पडली आहे.

राजाला उंबलाई येथील रियात अरलियांग पार्किंग लॉटमध्ये बोलावले आणि तिथे त्याची आरोपींनी हत्या केली. त्यानंतर त्यांनी मृतदेह वैसावडोंग धबधब्याजवळील एका खोल खड्ड्यात फेकून दिला. पोलिसांनी 5 आरोपींना अटक केली असून, चौकशी सुरू आहे. आरोपींनी त्यांचा गुन्हा कबूल केला आहे आणि पोलिसांना हत्येची सविस्तर माहिती दिली आहे. पोलिस आता आरोपींविरुद्ध आरोपपत्र दाखल करण्याची तयारी करत आहेत.