ग्रामस्थांनी कॉन्स्टेबलला बेदम मारहाण केली. या घटनेनंतर एसएसपींनी कॉन्स्टेबलला निलंबित करून विभागीय चौकशीचे आदेश दिले आहेत. ही घटना उत्तर प्रदेशातील गोरखपूरमधून समोर आली आहे.

'Crime Reporting' Online अभ्यासक्रम अन् 'कमवा आणि शिका'ची संधी!

महिलेची काही दिवसांपूर्वी डायल 112 चे कॉन्स्टेबल केसरीनंदन यांच्याशी भेट झाली होती. दोघांनी एकमेकांचे फोन नंबर घेतले आणि पुढे बोलणं सुरू झाले. दोघांमध्ये प्रेमसंबंध निर्माण झाले. संवादामुळे त्यांची जवळीक वाढली, पण कुणालाच त्याची माहिती नव्हती. अचानक एके दिवशी महिलेचा तिच्या दिराशी वाद झाला. दिराला धडा शिकवण्यासाठी तिने तिच्या प्रियकराला म्हणजेच पोलिस कर्मचाऱ्याला बोलावले आणि दिराला अटक झाली.

पोलिस आणि वहिनीच्या वागण्यावरून दीराच्या मनात शंका आली. पोलिस ठाण्यातून सुटका झाल्यानंतर तो बाहेर आला आणि वहिनीवर लक्ष ठेवू लागला. मध्यरात्रीच्या सुमारास अचानक कॉन्स्टेबल सिव्हिल ड्रेसमध्ये महिलेच्या खोलीत घुसला. हे पाहताच दिराने दार लावून बाहेर आरडाओरडा करायला सुरुवात केली. ग्रामस्थांनी घटनास्थळी पोहोचून पोलिसाला पकडले आणि बेदम मारहाण करण्यास सुरुवात केली. पोलिस असल्याचे सांगितल्यानंतरही गावकऱ्यांनी त्याला खूप मारहाण केली. संबंधित घटनेची परिसरात जोरदार चर्चा सुरू आहे.

दरम्यान, एसएसपी डॉ. गौरव ग्रोवर यांनी केसरीनंदनला तत्काळ निलंबित केले. तसेच विभागीय चौकशीचे आदेश दिले आहेत. अहवालाच्या आधारे पुढील कारवाई केली जाईल, असेही त्यांनी सांगितले.