हैदराबाद : हैदराबादमध्ये भारतीय हवाई दलाचे प्रशिक्षणार्थी एअरक्राफ्ट आज (सोमवार) कोसळले असून यामध्ये २ पायलटचा जागीच मृत्यू झाला आहे. एअरक्राफ्ट डंडीगलमध्ये हवाई दलाच्या अकॅडमीत ट्रेनिंग वेळी कोसळले.
एअरक्राफ्ट कोसळल्यानंतर भारतीय हवाई दलाने माहिती दिली आहे. हैदराबादहून नियमित प्रशिक्षणासाठी उड्डाणावेळी आज सकाळी पिलाटस पीसी ७ एमके आयएल ट्रेनल विमानाचा अपघात झाला. विमानातील दोन्ही पायलटना गंभीर दुखापत झाली होती आणि यातच त्यांचा मृत्यू झाला.
एअरक्राफ्ट कोसळल्याच्या या घटनेनंतर परिसरात मोठी खळबळ उडाली. सुदैवाने या अपघातात कोणत्याही सर्वसामान्य नागरिकाला दुखापत झालेली नाही. भारतीय हवाई दलाने या घटनेची चौकशी करण्याचे आदेश दिले आहेत.