या कारवाईत पथकाने एका संशयिताला अटक केली असून, वाहनासह सुमारे ३ लाख ९४ हजार ४०० रुपयांचा मुद्देमाल जप्त केला आहे.

राज्य उत्पादन शुल्क विभागाच्या पथकाला प्रतिभानगर परिसरात अवैध मद्याची वाहतूक होणार असल्याची माहिती मिळाली होती. त्यानुसार, प्रतिभानगर येथील पंचगंगा बँकेसमोर वॅगनार कार (क्र. एम.एच.१२ जी.एफ.६७३२) थांबवून तिची झडती घेण्यात आली. या तपासणीत कारमध्ये विविध नामांकित ब्रँडच्या गोवा बनावटीच्या विदेशी मद्याच्या ७५ बाटल्या चोरट्या मार्गाने नेल्या जात असल्याचे उघड झाले.

विदेशी मद्य ४४ हजार ४०० रुपये (७५ बाटल्या) वॅगनार कार ३ लाख ५० हजार रुपये असा एकूण ३ लाख ९४ हजार ४०० रुपयांचा मुद्देमाल जप्त करण्यात आला.

प्रकरणी संशयित आरोपी सागर शामराव देसाई (वय ३२, रा. कोल्हापूर) याला पथकाने जागीच ताब्यात घेऊन अटक केली आहे. त्याच्याविरुद्ध महाराष्ट्र दारूबंदी कायद्यांतर्गत गुन्हा नोंदवण्यात आला आहे.

ही कारवाई राज्य उत्पादन शुल्क आयुक्त डॉ. राजेश देशमुख, सहआयुक्त प्रसाद सुर्वे, आणि विभागीय उपायुक्त विजय चिंचाळकर यांच्या मार्गदर्शनाखाली करण्यात आली. पथकाचे नेतृत्व निरीक्षक किरण पवार यांनी केले. यामध्ये दुय्यम निरीक्षक वाय. एन. फटांगरे, एस. पी. डोईफोडे, आर. एम. पाटील, सहाय्यक दुय्यम निरीक्षक सुरेश भंडारे, सुहास शिरतोडे तसेच जवान मारुती पोवार, राजेंद्र कोळी, योगेश शेलार आणि राहुल कुटे यांचा सहभाग होता.

या गुन्ह्याचा अधिक तपास दुय्यम निरीक्षक वाय. एन. फटांगरे करत आहेत.