शहरातील मोती तलावाच्या काठावर असलेल्या रामेश्वर प्लाझा इमारती समोरील अनधिकृत स्टॉल तसेच अधिकृत स्टॉल धारकांनी व भाडेकरूंनी केलेले अतिक्रमण त्वरित हटविण्याच्या सक्त सूचना नगरपालिका प्रशासनाकडून देण्यात आले आहेत. दस्तूर खुद्द मुख्याधिकारी विनायक औंधकर यांनी बुधवारी रात्री उशिरा प्रत्यक्ष पाहणी करून संबंधितांना त्याबाबतच्या सूचना दिल्या आहेत. तसेच दोन दिवसात याबाबत कार्यवाही न झाल्यास पालिकेकडून अतिक्रमण हटवण्यात येईल, असा इशाराही दिला आहे.
गणेशोत्सवाच्या पार्श्वभूमीवर सदरची कारवाई होत असल्याने नागरिकांमधून समाधान व्यक्त होत आहे. सावंतवाडी शहरात मोठ्या प्रमाणात वाहतूक कोंडी व पार्किंगची समस्या उद्भवत असल्याने नगरपालिका प्रशासनाने ही मोहीम हाती घेतली असून टप्प्याटप्प्यात शहरातील अन्य भागात देखील याबाबत कारवाई सुरू होणार असल्याची माहिती नगरपालिका प्रशासनाकडून देण्यात आली आहे.