राऊत कुटुंबाकडून माझा शारीरिक, मानसिक, भावनात्मक छळ करण्यात आला. तसंच माझे आर्थिक खच्चीकरण करून माझ्यावर अनेक अघोरी इलाज करत माझा अमानुष छळ केला आहे, असा आरोप सुनेने कुटुंबावर केला आहे. याप्रकरणी ठाण्यातील कापूरबावडी पोलीस ठाण्यात गुन्हा दाखल करण्यात आल्यानंतर पोलिसांनी कारवाईला सुरुवात केली असून सिंधुदुर्गतील दोन आणि रत्नागिरीतील एका भोंदू बाबावर गुन्हा दाखल करण्यात आला आहे. तसंच सावंतवाडी-कोलगाव येथील फिरोज बाबाला ठाणे पोलिसांनी ताब्यात घेतलं आहे.

काय आहे विनायक राऊतांचं म्हणणं?

विनायक राऊत यांनी स्वत:सह कुटुंबावर करण्यात आलेले आरोप फेटाळून लावले असून सुनेवरच गंभीर आरोप केले आहेत. "माझा मुलगा गितेश राऊत आणि त्याची पत्नी मागील तीन वर्षांपासून स्वतंत्र राहत आहेत. त्यामुळे आता त्यांची घटस्फोटाची केस सुरू असून सुनेने आधी १० कोटी रुपये मदत, २ कोटी रुपये मानसिक ताणाची रक्कम, एक ३ बीएचके फ्लॅट, आलिशान कार आणि महिन्याला ५ लाख रुपये द्यावेत, अशी मागणी केली होती. पण या मागण्या मान्य न केल्याने तिने आमच्याविरोधात तक्रार दिली," असा दावा राऊत यांनी केला आहे.