नगरसेवक सनी निम्हण यांनी या संदर्भात पाठपुरावा करत सविस्तर निवेदन सादर केले होते. त्या मागणीची दखल घेत अध्यक्ष भिमाले यांनी सकारात्मक भूमिका घेत, संबंधित रुग्णालयाचा मल्टीस्पेशालिटी योजनेत समावेश करण्याचे आश्वासन दिले.

यावेळी त्यांनी विशेषत्वाने स्पष्ट केले की, हे रुग्णालय पीपीपी (Public-Private Partnership) मॉडेलवर देण्यात येणार नाही. रुग्णालय पूर्णतः पुणे महानगरपालिकेद्वारेच चालवले व व्यवस्थापित केले जाईल. ही भूमिका नागरिकांसाठी अत्यंत महत्त्वाची मानली जात असून, त्यामुळे सर्वसामान्यांना मोफत व दर्जेदार आरोग्य सेवा उपलब्ध होण्याचा मार्ग मोकळा झाला आहे.

औंध, बोपोडी तसेच पिंपरी-चिंचवड सीमेलगतच्या परिसरातील वाढती लोकसंख्या लक्षात घेता या रुग्णालयाचे त्वरित कार्यान्वित होणे व मल्टीस्पेशालिटीमध्ये रूपांतर होणे अत्यंत गरजेचे होते. या निर्णयामुळे परिसरातील नागरिकांना खालील सुविधा स्थानिक पातळीवर उपलब्ध होणार आहेत :

* अत्याधुनिक ट्रॉमा केअर व आपत्कालीन सेवा
* आयसीयू व एनआयसीयू सुविधा
* माता व बाल आरोग्य सेवा
* विविध तज्ज्ञ डॉक्टरांकडून उपचार
* आर्थिकदृष्ट्या दुर्बल घटकांसाठी मोफत उपचार

नगरसेवक सनी निम्हण यांनी या निर्णयाबद्दल समाधान व्यक्त करत सांगितले की,
"औंध-बोपोडी परिसरातील नागरिकांना दर्जेदार व तात्काळ आरोग्य सुविधा मिळाव्यात यासाठी आम्ही सातत्याने प्रयत्नशील होतो. स्थायी समिती अध्यक्षांनी सकारात्मक प्रतिसाद देत रुग्णालयाचा समावेश करण्याचे आश्वासन दिले, याबद्दल त्यांचे मनःपूर्वक आभार."

या निर्णयामुळे औंध-बोपोडी व आसपासच्या भागातील नागरिकांना मोठा दिलासा मिळणार असून, सार्वजनिक आरोग्य व्यवस्थेवरचा विश्वास अधिक बळकट होणार आहे.

Pune News बारामती विधानसभा पोटनिवडणुकीसाठी राजकीय पक्षांनी बैठकांचा सपाटा लावला आहे. एकीकडे राष्ट्रवादीने पोटनिवडणुकीसाठी सुनेत्रा…

Pune update News - निवडणुकीच्या निकालाबाबत मोठी बातमी समोर आली आहे. नगरपालिका आणि नगर पंचायतीची…

pune महाविद्यालयांमध्ये प्राध्यापक होण्याचे स्वप्न पाहणाऱ्या तरुणांसाठी एक आनंदाची बातमी आली आहे. राज्याचे उच्च आणि…