त्यामुळे कर्करोग रुग्णांची महागड्या उपचारांपासून कधी सुटका होणार? असा प्रश्न निर्माण झाला आहे.

सार्वजनिक आरोग्य विभागाचे नियोजन

औंध जिल्हा रुग्णालयाच्या परिसरात सार्वजनिक आरोग्य विभागाची 60 ते 70 एकर जागा आहे. या ठिकाणी रुग्णालय उभारणीचे नियोजन आहे. आरोग्य विभागाने राज्यातील दहा रुग्णालयांसाठी प्रस्ताव तयार केला आहे. पुणे, नाशिक येथे कर्करोग आणि अन्य आठ जिल्ह्यांमध्ये जिल्हा रुग्णालय उभारणीचे नियोजन आहे. या रुग्णालयांसाठी आरोग्य विभागाने आशियाई विकास बँकेला (एडीबी) प्रस्ताव सादर केला आहे. राज्यातील दहा रुग्णालयांसाठी सुमारे आठ हजार कोटींचा प्रस्ताव ‌'एडीबी‌'ला सादर केला आहे.

..तर कॅन्सरग्रस्त रुग्णांना कमी दरात उपचार मिळणे शक्य!

वैद्यकीय शिक्षण विभागातर्फे पुण्यात कर्करोग रुग्णालय व्हावे म्हणून 2013 पासून प्रयत्न सुरू आहेत. ससून रुग्णालय प्रशासनाने याबाबत राज्य सरकारला प्रस्ताव पाठविला आहे. ससूून रुग्णालयात राज्यातील विविध जिल्ह्यांमधील कर्करोगाचे रुग्ण उपचारांसाठी येतात

सद्यःस्थितीत येथे सर्व प्रकारच्या कर्करोगाच्या शस्त्रक्रिया केल्या जातात. सध्या केमोथेरपीची सुविधा उपलब्ध आहे. मात्र, रेडिएशन थेरपी आणि पॅलिएटिव्ह केअरची सुविधा उपलब्ध नाही. त्यामुळे शेवटच्या टप्प्यातील रुग्णावर उपचार करताना अडचणी येतात. कर्करोगाचे स्वतंत्र रुग्णालय उभे राहिल्यास कमी दरात उपचार मिळणे शक्य होणार आहे.

प्रकाश आबिटकर, सार्वजनिक आरोग्यमंत्रीराज्य सरकार रुग्णालय उभारणीचा निर्णय घेणार आहे. याबाबत दोन विभागांमध्ये कोणताही वाद नाही. आरोग्य विभागाला आशियाई विकास बँकेतर्फे निधी मिळाल्यानंतर राज्यात नवीन चार रुग्णालये उभारण्याचे नियोजन आहे. यामध्ये पुण्याचा विचार करण्यात येईल. दोन्ही विभागांमध्ये समन्वय असून, रुग्णांसाठी कर्करोगावरील उपचार उपलब्ध व्हावेत, हाच प्रयत्न आहे

पाच वर्षांहून अधिक सेवाकाळ शिल्लक आहे, अशा राज्यातील शाळांमध्ये पहिलीते आठवीसाठी नियुक्त असलेल्या शिक्षकांसाठी टीईटी…

PCMC NCP News :- पिंपरी-चिंचवड शहरावर राष्ट्रवादी काँग्रेस एकेकाळी बालेकिल्ला होता. सलग पंधरा वर्षे राष्ट्रवादी…

​राष्ट्रवादीच्या कैलास इंगळेंनीही धरले 'कमळ'; भाजपची 'स्वबळा'ची घोषणा अन् उमेदवारांची यादी जाहीर जिल्हा परिषद व…