दिल्लीत सुरू असलेल्या पावसाळी अधिवेशनामध्ये विद्यार्थ्यांवर झालेला लाठीचार्ज, पेलेट गनचा वापर आणि गोळीबार हा मुद्दा गाजत आहे.

विरोधकांनी हा मुद्दा लावून धरला असून शुक्रवारी सकाळी देखील संसद परिसरामध्ये इंडिया आघाडीच्या खासदारांनी जोरदार घोषणाबाजी केली.

विरोधकांच्या आंदोलनावेळी पुजाऱ्याच्या वेशात आलेले अपक्ष खासदार पप्पू यादव यांच्यासमोर दानपेटी ठेवण्यात आली होती. यावेळी लोकसभेचे विरोधी पक्षनेते राहुल गांधी यांनी त्यांच्यासमोरील दानपेटीमध्ये पैसे टाकले. एवढेच नाही तर इतर खासदारांनीही त्यांचे अनुकरण केले. त्यानंतर पप्पू यादव हे दान दिलेले पैसे घेऊन तिथून पळून जाण्याचा प्रयत्न करतात आणि विरोधी खासदार त्यांना पकडतात असे नाटक करण्यात आले. यावेळी चंदा चोर, गद्दी छोड… असा घोषणाही देण्यात आल्या.